Prezident ZŠA Donald Tramp u intervju The Washington Post pryznaŭsia, što nie ŭžyvaje ałkahol z-za strachu, što jon u jaho ŭciahniecca hetak ža jak jaho starejšy brat Fred Tramp. U 1981 hodzie brat haspadara Biełaha doma pamior na fonie prablem z ałkaholem na 42-m hodzie žyćcia.
Prezident ZŠA paviedamiŭ, što mienavita los jaho brata padšturchnuŭ jaho da taho, kab abviaścić vajnu opiumnym preparatam, jakija surjozna raspaŭsiudžanyja ŭ ZŠA.
«Ja nie viedaju, što b ja rabiŭ, kali b u mianie nie było vopytu losu Fredzi», — skazaŭ Tramp.
Brat prezidenta chacieŭ stać piłotam, nie žadajučy praciahvać karjeru ŭ siamiejnym biznesie, źviazanym ź nieruchomaściu. Fred Tramp byŭ piłotam avijakampanii Trans World Airlines, adnak jon nie zmoh pabudavać karjeru z-za ałkahalizmu.
«Jon byŭ takim pryhožym, i ja bačyŭ, što ałkahol zrabiŭ ź im fizična, i heta taksama paŭpłyvała na mianie», — skazaŭ prezident ZŠA. Jon adznačyŭ, što baicca taho, što ciaha da ałkaholu moža być abumoŭlena hienietyčna, i tamu nie ŭžyvaje śpirtnoha.
