Hienieralny prakuror Ukrainy Juryj Łucenka zajaviŭ, što zarehistravaŭ 3 kryminalnyja spravy ab dziaržaŭnaj zdradzie, padrychtoŭcy da finansavańnia terarystaŭ i padrychtoŭcy da stvareńnia pieraškod ukrainskaj armii, piša Ukrajinśka praŭda.

«Chaču prama skazać, usim revanšystam i ŭsim kapitulantam, usim, chto pasprabuje hulać z ukrainskim zakonam, atrymajuć dastojny adkaz. Zakon adzin dla ŭsich. Pieramoha budzie za nami», — adznačyŭ Łucenka.

Kiraŭnik Hienprakuratury patłumačyŭ, što ŭ jaho vyklikała abureńnie «prapanova pradstaŭnikoŭ Ukrainy ŭ Minskaj kantaktnaj hrupie zabaranić ahoń u bok supiernika».

Sprava pra padrychtoŭku finansavańnia terarystaŭ, pa słovach Łucenki, tyčycca «tych, chto ličyć, što možna adnavić handlovyja adnosiny z terarystyčnymi arhanizacyjami».

Nahadajem, raniej pradstaŭnik Ukrainy ŭ Minskaj kantaktnaj hrupie Leanid Kučma kazaŭ pra nieabchodnaść nie adkazvać na «pravakacyjnyja abstreły» bajevikoŭ i prapanoŭvaŭ admianić ekanamičnuju błakadu.

Клас
Панылы сорам
Ха-ха
Ого
Сумна
Абуральна