Karespandent rasijskaha prapahandysckaha telekanała «Rośsija 24» znajšoŭ u trejlery novaj častki hulni Call of Duty: Modern Warfare amierykanskuju prapahandu i rusafobiju.
Na dumku viadučaha, ruskija pakazany ŭ hulni niebiaśpiečnymi i ahresiŭnymi. U jakaści dokazu svajho śćviardžeńnia jon pakazaŭ frahmient trejlera, u jakim rasijski samalot bambardziruje «Biełyja kaski» (dobraachvotnickaja arhanizacyja, jakaja dapamahaje mirnym žycharam u Siryi). Viadučy nazyvaje heta pravakacyjaj z metaj skampramietavać rasijskija vojski, jakija dapamahajuć siryjskim uzbrojenym siłam.
Palitołah Hievorh Mirzajan, kamientar u jakoha ŭziaŭ telekanał, zajaviŭ, što jamu viadoma pra suviazi Minabarony ZŠA z Halivudam i raspracoŭščykami kampjutarnych hulniaŭ. Pry hetym dyzajnier hulni Tejłar Kurasaki, uryvak ź intervju jakoha byŭ uklučany ŭ siužet, skazaŭ, što ŭ hulni buduć jak drennyja i dobryja amierykancy, tak i drennyja i dobryja ruskija.
Call of Duty: Modern Warfare 2019 vyjdzie 25 kastryčnika 2019 hoda. Dziejańnie hulni budzie adbyvacca na Blizkim Uschodzie.