Dvoje miascovych žycharoŭ rajcentra pachulihanili.
Kampanija raśpivała harełku ŭ haražy. U adzin momant adnamu z mužčyn spatrebiłasia prybiralnia. Paśla jamu nie spadabaŭsia aŭtamabil, što stajaŭ pobač. Adnym udaram ruki jon raźbiŭ łabavoje škło.
Tut z haraža vyjšaŭ jašče adzin udzielnik zastolla. Sa słovami «A čym ja horšy» jon dałučyŭsia da znajomaha. Kułakami jany raźbili bakavyja škielcy.
Paśla z haraža vyjšaŭ jašče adzin kampańjon. Sprabavaŭ spynić siabroŭ, tamu što mašyna naležyć ahulnamu znajomamu. Adzin z chulihanaŭ pahadziŭsia, a druhi pačaŭ źbivać maładoha čałavieka, jaki sprabavaŭ ich spynić.
Padazravanyja 1987 i 1982 hadoŭ naradžeńnia i raniej nie sudzimyja. Adnaho ź ich pryciahvali da administracyjnaj adkaznaści za raśpićcio ałkaholu.
Paciarpieły 1992 hoda naradžeńnia.
