Amierykanskaja sacyjalnaja sietka Facebook za paŭhoda vydaliła bolš za 3 młrd fejkavych akaŭntaŭ. U paviedamleńni kampanii, apublikavanym u čaćvier, 23 traŭnia, adznačajecca, što takaja vialikaja kolkaść fejkavych akaŭntaŭ vydalena za pieryjad z kastryčnika 2018 pa sakavik 2019 hoda.
Z kastryčnika pa śniežań vydalena 1,2 młrd akaŭntaŭ, a sa studzienia pa sakavik — jašče 2,2 młrd. U sumie — heta ŭdvaja bolš, čym za paŭhoda pierad hetym, adznačajecca ŭ dakumiencie.
U paviedamleńni havorycca, što bolšaść likvidavanych akaŭntaŭ była vyjaŭlena i zakryta na praciahu pieršych niekalkich chvilin, heta značyć da taho, jak inšyja karystalniki mahli ŭbačyć ich.
Pry hetym Facebook pryznała, što ŭsio bolšaj kolkaści parušalnikaŭ ŭdajecca pieraadoleć ustanoŭlenyja pieraškody, tamu kampanija zaraz aceńvaje kolkaść fejkavych akaŭntaŭ ŭžo nie ŭ 3 - 4, a ŭ 5 pracentaŭ ad ahulnaj kolkaści.
