Bolš za 100 kh psichatropu ekstazi, jaki vyklikaje najmacniejšuju psichałahičnuju zaležnaść, kanfiskavali bresckija mytniki sa schovanak aŭtamabila rasijanki.
38-hadovaja hramadzianka Rasii jechała praz punkt propusku «Damačava» na «Krajślery», u jakim byli schavanyja ŭpakoŭki ź psichatropami i narkotykami.
Rasijanka adpraviłasia na «čyrvony» kalidor, pradstaviŭšy da dekłaravańnia elektrasamakat i kandycyjanier.
Adnak pry ahladzie aŭtamabila mytniki vyjavili ŭtojeny tavar. U «Krajślery» byli śpiecyjalna zroblenyja tajniki, jakija adkryvajucca z dapamohaj elektramahnitnaha zamka.
U vyniku ŭ rasijanki skanfiskavali bolš za 100 kiłahramaŭ ekstazi, a taksama hašyš.
Heta samaja bujnaja partyja psichatropnych rečyvaŭ, vyjaŭlenych na miažy za apošnija 25 hadoŭ.
Užyvańnie ekstazi zdolna vyklikać najmacniejšuju psichałahičnuju zaležnaść i maje vielmi niespryjalnyja nastupstvy dla zdaroŭja. Paśla ŭžyvańnia tabletak adbyvajecca rezkaje pavyšeńnie fizičnaj i myšačnaj aktyŭnaści, źjaŭlajecca ejfaryja, padčas jakoj čałaviek zdolny ździejśnić złačynstva.
Rasijanka źmieščana ŭ śledčy izalatar. U jaje dačynieńni zaviedzienaja kryminalnaja sprava. Zamiežnica moža atrymać termin da 10 hadoŭ źniavoleńnia.
