Fiestyval intelektualnaj knihi «Pradmova» adbudziecca sioleta ŭ horadzie nad Buham. 30 sakavika, u subotu, čarhovy dzień fiestyvalnaj prahramy projdzie ŭ Prastory KCH (vuł. Chałturyna 2/1).
Vydaviectva «Halijafy» prezientuje try knihi. Try šykoŭnyja vydańni!
Nadzieja Jaśminska. «Dom cikaŭnych kazak»
Hučnyja čytańni i aŭtohraf-siesija dla dziaciej 4—10 hod. Pačatak ab 11.50.
«Dom cikaŭnych kazak» - heta składanka karotkich historyj piśmieńnicy Nadziei Jasminska z šykoŭnymi papiarovymi ilustracyjami mastački Aleny Sacuta. Hieroi knihi sustrakajuć niezvyčajnych haściej, prychodziać na dapamohu dziŭnym nieznajomcam i navat apynajucca ŭ roznych cikavych miescach, nie pakidajučy svajho pakoja.
Valeryj Hapiejeŭ. «Pazł»
Hutarka z aŭtaram i aŭtohraf-siesija. Pačatak a 16.30.
Što naš los, jak nie vynik dziejnaści dziasiatkaŭ i socień čałaviek vakoł? Što mistyka, jak nie źbieh šmatlikich abstavin? Što čałaviek u sistemie? Žyviolinka dryžačaja ci prava maje na svoj sud, kali ślapyja i hłuchija sud dziaržaŭny, sud ludski i sud Božy?
Što ŭrešcie naša žyćcio, jak nie adziny vializny pazł, dzie kožny frahmient sčaplajecca ź inšymi, jakija nie nami malavalisia, nie nami vyrazalisia… Žorstki realizm na zrezie sučasnaha biełaruskaha hramadstva z hierojami ad uładnych čynoŭnikaŭ da badziakoŭ, bieź mifaŭ pra talerantnaść i rachmanaść, bieź sientymientaŭ i sprobaŭ škadavańnia — u novym ramanie Valera Hapiejeva.
Siarhiej Biełajar. «Rasśledavańni inśpiektara Sarvy»
Hutarka z aŭtaram i aŭtohraf-siesija. Pačatak a 18.00.
Navukova-fantastyčnyja apaviadańni. Mižpłanietnyja pieraloty, žyćcio na Marsie, kryminał… U asnovie knihi nie tolki zahadka, tajamnica, ale i toj, kamu (ci nie adzinamu) pad siłu jaje razhadać. U XXII stahodździ źmianilisia ŭmovy žyćcia, technałahičny prahres prahłynuŭ čałaviectva biez astatku, złačynstvy nie źnikli, dy, na ščaście, źjaviŭsia pierajemnik Šerłaka Chołmsa — inśpiektar Departamienta pazaziemnych kryminalnych rasśledavańniaŭ Rataŭt Sarva.
Pryvatnaje pradpryjemstva «Halijafy» UNP 190883852