Nobieleŭskaja łaŭreatka Śviatłana Aleksijevič raskazała Radyjo Svaboda pra čarhovaje pasiadžeńnie svajho «Intelektulnaha kłuba».
Jano maje adbycca ŭ pasolstvie Litvy ŭ Minsku 26 sakavika. Tema pasiadžeńnia — «Cana kampramisu». U pasiadžańni voźmuć udzieł piśmieńniki Alhierd Bacharevič i Viktar Marcinovič. Maderataram zaprošany litaraturaznaviec Alaksandr Fiaduta.
«Mianie paprakali, što nie zaprašaju biełarusaŭ — dyk voś adrazu try budzie», — skazała Śviatłana Aleksijevič.
Raniej haściami «Intelektualnaha kłuba» byli pierakładčyca, paetka, teołah Volha Siedakova, piśmieńniki Uładzimir Sarokin, Ludmiła Ulickaja, Ruta Vanahajcie, režysior Alaksandr Sakuraŭ, palitołah Stanisłaŭ Białkoŭski, dakumientalist i fatohraf Jan Artjus Biertran dy inšyja.
Siarod budučych haściej Śviatłana Aleksijevič nazyvała amierykanskaha historyka Tymaci Snajdera i biełaruskaha IT-biznesmiena Viktara Prakapieniu.
