Fota Siarhieja Hudzilina
U MZS Biełarusi paćviardžajuć, što va Uładzimira Makieja ŭ apošni čas było niekalki razmovaŭ z kiraŭnictvam Dziaržaŭnaha departamenta ZŠA. Ale detali razmovaŭ u viedamstvie nie raskryvajuć, piša Tut.by.
— My možam paćvierdzić, što ŭ apošni čas adbyłosia niekalki telefonnych razmovaŭ pamiž kiraŭnictvam MZS Biełarusi i Dziaržaŭnym departamientam ZŠA. U chodzie hetych hutarak abmiarkoŭvalisia roznyja aśpiekty biełaruska-amierykanskich adnosin, u tym liku, i mahčymaści ich palapšeńnia. Zhodna z praviłami dypłamatyčnaj etyki detali hetych pieramovaŭ nie vydajucca, — raspavioŭ TUT.BY pres-sakratar MZS Biełarusi Anatol Hłaz.
Nahadajem, amierykanski časopis Foreign Policy paviedamiŭ, što kiraŭnik MZS Biełarusi Uładzimir Makiej 10 studzienia apaviaściŭ Vašynhton ab źniaćci abmiežavańniaŭ na kolkaść amierykanskich dypłamataŭ u Minsku.
«Heta vialiki krok. Heta pačatak adlihi», — skazaŭ Foreign Policy nienazvany amierykanski čynoŭnik.
Z 2008 hoda amierykanskaje pasolstva ŭ Minsku funkcyjanuje va ŭrezanym składzie, biez pasła. Spačatku byŭ ustalavany limit u piać dypłamataŭ, ale pastupova jon byŭ pašyrany da 10, paviedamlaje amierykanskaje vydańnie.
«Makiej patelefanavaŭ u Vašynhton, kab paviedamić, što Biełaruś źnimaje abmiežavańni na kolkaść dypłamataŭ ZŠA ŭ Minsku»
