Kaladny 97-y numar litaraturna-mastackaha časopisa «Dziejasłoŭ» adkryvajecca ŭznaŭleńniem tekstu Lavoncija Karpoviča «Što adbyłosia adnojčy, nanova ciapier adbyvajecca», zroblenym Alesiem Razanavym. U liryčnaj rubrycy — novyja vieršy Valanciny Aksak, Leanida Hałuboviča, Uładzimira Niaklajeva, Iny Snarskaj, Andreja Chadanoviča. U rubrycy «Debiut» — vieršy Janiny Asipcovaj.
Proza pradstaŭlena novaj apovieściu Viktara Kaźko «Jak ja «rabiŭ» špijonam u Ńju-Jorku», zakančeńniem fejsbučnaha ramana Alesia Byčkoŭskaha «Kraj vaŭkałakaŭ», apaviadańniem Siarhieja Rubleŭskaha, «Uładzievymi historyjami» Uładzimira Siŭčykava.
Ź pierakładaŭ drukujecca vialikaja padborka sučasnaj polskaj paezii čatyroch aŭtaraŭ i aŭtarak: Vojciecha Banoviča, Iłony Vitkoŭskaj, Evy Lipskaj i Julii Fiadorčuk u pierastvareńni Andreja Chadanoviča. Tut ža — apošniaja, paśmiarotnaja užo, praca Uładzisłava Achromienki, jakoju staŭsia pierakład z ukrainskaj movy ŭryŭka ramana Alaksandra Irvanca «Charkaŭ-1938». U №97 «Dziejasłova» pačynajecca publikacyja etnahrafičnaj pracy Emy Jalenskaj «Vioska Kamarovičy ŭ Mazyrskim paviecie» u pierakładzie Uładzimira Vasileviča.
Raździeł «Zhadki» źmiaščaje aŭtabijahrafičnyja teksty Paŭła Lachnoviča, Valancina Akudoviča i Słavamira Adamoviča.
Krytyka i eseistyka ŭ śviežym numary pradstaŭlena artykułami Vasila Žukoviča pra tvorčaść Anatola Viarcinskaha, Anatola Astapienki pra žyćcio i tvorčaść Barysa Sačanki, Iryny Samatoj pra paeziju Uładzimira Papkoviča, recenzijaj Leanida Hałuboviča na knihu Viktara Kaźko.
