Bieły vietraź
Kali ja hałodny,
Biaz domu i hrošaj
Samotna siadzieŭ na bierazie,
Absypanym liściem asieńnim,
Dy hladzieŭ na chałodnyja chvali,
Na zachodniaje sonca,
Na čyrvań niabios,
Uspłyŭ ź niebakraju
Na kromcy vady
Bieły vietraź
I źnik u viačerniaj smuzie.
2017
Rečy
U adzinocie i hłuchmieni
Adčyniajecca sutnaść
Małych rečaŭ.
Praź ich paznajecca
Vialiki sens.
Nie biary ich z saboj adtul.
Bolš ničoha tabie nia skažuć.
2017
Na bierazie
Kali ja stajaŭ
na bierazie akijanu,
Mima prajšła žančyna
Ź dziciom na rukach.
I ščaślivaja ŭśmieška.
2017
Vobłaki biełyja
Niekali ja jšoŭ —
Vobłaki biełyja.
Hlanuŭ — až jabłynia zaćviła.
Ja tak uściešyŭsia…
Tady,
daŭno,
u Biełarusi.
Zachodnija promni
Adjechali hości maje.
Stała cicha ŭ domie pustym.
Zachodnija promni na biełaj ścianie.
Pad vietram
Kałyšacca bez.
2017
Pierachod praz ručaj
A rečka Matruna — čystaja,
Niby nieba viasnoj.
Pa kamieńni žurlicca strumień.
Pierachod na toj bok.
Žvavyja rybki
spłyvajuć pad šum.
2017
Usio prosta
Kali jość kachańnie
i žančyna,
Nia budzie žyćcio
biaz sensu.
2017
Rybka
Pryhožy dzień viasieńni.
Śpiavaje na biarozie špak.
Sonca ŭzyšło.
I kłopataŭ niama
U mianie maładoha.
Ech, pajdu na Haŭju,
Nałaŭlu ja rybki charošaj,
Ščupakoŭ dy płatvy,
Dy vierchavodak sierabrystych.
A viečaram za stałom
Patelnia haračaja.
Hledziačy ŭ vakno
Na zachad ružovy,
Maci havoryć:
— Ot, fajnaja rybka, synok,
Ty nałaviŭ.
2017
***
(3 cykłu «Nad akijanam»)
Nad akijanam
miesiac śvietłaliki.
Jaho mahičnaja krasa.
Nie maja heta radzima.
2018
Čas słabiny
U čas sumnieńniaŭ i markoty,
Kali muzyka ihraje
I zdajecca — usio minuła,
Navat sonca nie ŭzyšło,
Tam, daloka-daloka,
Za vobłakami.
Za vadoj,
Za sinim lesam
Baćkaŭščyna maja…
Tolki miłaja Baćkaŭščyna maja
Zastajecca.
2017