Kufičnyja dyrchamy — heta tonkija siarebranyja maniety dyjamietram kala 25—30 mm, na abodvuch bakach jakich znachodziacca arabskija lehiendy. U centralnaj častcy abodvuch bakoŭ dyrchama źmieščany radkovyja lehiendy, jakija źmiaščajuć nabožnyja vysłoŭi i imiony ŭładaroŭ, u abaviazkovych kruhavych lehiendach hetych maniet — praciah vysłoŭjaŭ i najbolš značnyja dla nas vychodnyja dadzienyja (źviestki pra miesca i hod čakanki).
Kaźjankaŭski skarb kufičnych dyrchamaŭ źjaŭlajecca najbujniejšym skarbam Staražytnaj Rusi. Skarb byŭ znojdzieny ŭ 1973 hodzie na pravym bierazie Dźviny ŭ vioscy Kaźjanki na Połaččynie. Hetyja kaštoŭnaści zachoŭvajucca ŭ muziejnym zbory Nacyjanalnaha Połackaha historyka-kulturnaha muzieja-zapaviednika.
Ahulnaja vaha dyrchamaŭ składaje 19893,8 h srebra 960°.
«Asnoŭnaja častka skarbu (7650 maniet) pastupiła ŭ fondy muzieja-zapaviednika ŭ 1973-1974 hh. nieŭzabavie paśla vyjaŭleńnia, paźniej da ich dadalisia jašče 13 maniet, jakija pastupili z pryvatnych kalekcyj. Małodšaja manieta skarbu — dyrcham Samanida Nucha ibn Nasra, bitaja ŭ Samarkandzie ŭ 333 h. ch. (944/945 h.) — dazvalaje datavać fakt utojvańnia skarbu nie paźniej druhoj pałovy 940-ch hh.», — paviedamlaje pres-słužba muzieja.
Razhladzieć skarb moža kožny achvotny na sajcie muzieja. Usie 7663 maniety znachodziacca ŭ elektronnym katałohu.
