Fota Siarhieja Hudzilina
Były premjer-ministr Biełarusi Andrej Kabiakoŭ prajšoŭ acenku adpaviednaści kvalifikacyjnym patrabavańniam i patrabavańniam da dziełavoj reputacyi śpiecyjalnaj kamisii Nacbanka.
Paśla atrymańnia acenki adpaviednaści Andrej Kabiakoŭ moža zajmać pasady kiraŭnika abo namieśnika kiraŭnika banka abo niabankaŭskaj kredytna-finansavaj arhanizacyi, być členam kalehijalnaha vykanaŭčaha orhana banka abo niabankaŭskaj kredytna-finansavaj arhanizacyi, abo niezaležnym dyrektaram banka abo niabankaŭskaj kredytna-finansavaj arhanizacyi.
Rekamiendacyi pry prachodžańni kamisii Andreju Kabiakovu byli dadzieny byłym pieršym vice-premjeram urada Vasilom Maciušeŭskim i niezaležnym dyrektaram ZAT «Alfa-Bank» Urałam Łatypavym.
U vieraśni były pieršy vice-premjer Biełarusi Vasil Maciušeŭski taksama prajšoŭ kvalifikacyjnuju kamisiju Nacbanka. Najbolš imaviernaj novaj pasadaj dla Maciušeŭskaha ŭdzielniki bankaŭskaha rynku nazyvajuć pasadu staršyni praŭleńnia Banka BiełVEB. Akramia taho, pakul vakantnaja pasada kiraŭnika Banka raźvićcia.
18 žniŭnia premjer-ministr Andrej Kabiakoŭ i pieršy vice-premjer Vasil Maciušeŭski pazbavilisia svaich pasadaŭ.
