Interpał atrymaŭ zajavu svajho kiraŭnika Men Chuńveja, u jakim jon apaviaściŭ arhanizacyju, što nieadkładna sychodzić u adstaŭku, paviedamlaje ahienctva Reuters. U Interpale paviedamili, što ŭžo pryznačyli v.a. abaviazki prezidenta. Im staŭ karejec Kim Jonh Jan.
U Interpale dadali, što vybary novaha kiraŭnika projduć na sustrečy kiraŭnikoŭ palicejskich arhanizacyj, jakaja projdzie ŭ Dubai ŭ listapadzie.
U apošnija sutki stała viadoma, što Interpał pavodle zajavy žonki Men Chunveja nakiravaŭ zapyt u Kitaj, kab vyśvietlić, kudy źnik prezident arhanizacyi, jaki ŭ kancy vieraśnia palacieŭ tudy ŭ adpačynak.
Praź niekalki hadzin dyscyplinarny orhan Kampartyi KNR paviedamiŭ pra toje, što ŭ dačynieńni da čynoŭnika, jaki adnačasova źjaŭlajecca namieśnikam ministra hramadskaj biaśpieki krainy, raspačataje rasśledavańnie. Jaho padazrajuć u karupcyi.
Pry hetym kitajskija ŭłady nie patłumačyli, dzie mienavita ciapier znachodzicca Chunvej Men.
Raniej Parisien paviedamiła pra toje, što da Men Chunveja pytańni ŭźnikli z-za kampanii, jakaja pracuje ŭ śfiery baraćby z kibierzłačyncami. Nibyta namieśnik ministra moh niezakonna akazvać joj sadziejničańnie ŭ atrymańni dziaržaŭnych kantraktaŭ.
