Prakuratura Savieckaha rajona Minska adklikała apielacyjny pratest na rašeńnie suda pa spravie biznesmiena Arkadzia Izraileviča suprać haziety «Novy čas» i žurnalista Dzianisa Ivašyna. Hetuju infarmacyju Tut.by paćvierdziła advakat Izraileviča.
«Moj klijent nie płanavaŭ abskardzić rašeńnie suda. Choć, viadoma, my ź im nie zhodnyja. Pra toje, što prakuratura nakiravała pratest, daviedalisia ź internet-resursaŭ. Tamu vyrašyli pacikavicca ŭ sudzie detalami. Adnak tam adkazali, što prakuratura ŭžo adklikała pratest», — skazała advakat.
Atrymać apieratyŭny kamientar u prakuratury nie ŭdałosia.
U sudzie Savieckaha rajona Minska paprasili nakiravać piśmovy zapyt.
Nahadajem, biznesmien Arkadź Izrailevič praz sud patrabavaŭ pryciahnuć da adkaznaści hazietu «Novy čas» i žurnalista Dzianisa Ivašyna. Na dumku biznesmiena, hazieta apublikavała šerah artykułaŭ pra restaran «Pajedziem, pajadzim» u Kurapatach, jakija prynižajuć jaho honar, hodnaść i dziełavuju reputacyju.
Sud Savieckaha rajona nie zadavoliŭ isk Izraileviča, admoviŭ u publikacyi abviaržeńnia i spahnańni maralnaj škody z aŭtara i redakcyi haziety. Akramia taho, Izrailevič pavinien vypłacić 600 rubloŭ na karyść haziety i žurnalista.
