Dutch Defence Ministry
Ministerstva abarony Niderłandaŭ abviaściła pra praduchileńnie kibierataki Rasii na Arhanizacyju pa zabaronie chimičnaj zbroi (AZCHZ).
13 krasavika Słužba vajennaj raźviedki i biaśpieki Niderłandaŭ praduchiliła kibierataki HRU, nakiravanuju na AZCHZ ŭ Haazie, zajaviła na pres-kanfierencyi ministr abarony krainy Ank Biejleviełd.
U toj ža dzień z krainy byli vysłanyja čaćviora rasijan z dypłamatyčnymi pašpartami, što, jak ličać ułady Niderłandaŭ, źjaŭlajucca supracoŭnikami HRU.
Padazravanyja sprabavali atrymać dostup da biespravadnoj sietki štab-kvatery AZCHZ. Chakierskaja apieracyja pravodziłasia pry niepasrednaj blizkaści da abjekta.
U adnaho z padazravanych byŭ kanfiskavany noŭtbuk, jaki, pa słovach Biejleviełd, vykarystoŭvaŭsia ŭ Małajzii, kab atrymać niesankcyjanavany dostup da fajłaŭ ab katastrofie rejsa MH-17 na Danbasie.
Fatahrafii padazravanych rasijanaŭ byli prademanstravany na pres-kanfierencyi. Taksama byli nazvanyja ich imiony: Alaksiej Mareniec, Jaŭhien Sierabrakoŭ, Aleh Sotnikaŭ i Alaksiej Minin.
Pa dadzienych hałandskaj vajennaj raźviedki, usie čaćviora źjaŭlajucca supracoŭnikami 5-ha Hałoŭnaha centra śpiecyjalnaj słužby HRU (v / č 26165). U adnaho ź ich, jak paviedamlajecca, była vyjaŭlenaja kvitancyja na taksi ad Niaśvižskaha zavułka, dzie raźmiaščajecca budynak HRU da aeraporta Šaramiećcieva.
Akramia taho, u mužčyn było vyjaŭlena «śpiecyjalnaje abstalavańnie», a adzin z sotavych telefonaŭ, jakija naležać padazravanym, byŭ aktyvavany kala budynku HRU, raspaviali pradstaŭniki Niderłandaŭ.
U chodzie sumiesnaj pres-kanfierencyi pradstaŭnik Vialikabrytanii zajaviŭ, što supracoŭniki hetaj ža vajskovaj častki atakavali sietki Ministerstva zamiežnych spraŭ Brytanii nieŭzabavie paśla atručvańnia Siarhieja Skrypala ŭ sakaviku hetaha hoda.
Namieśnik staršyni kamiteta Savieta Fiederacyi pa mižnarodnych spravach Uładzimir Džabaraŭ užo zajaviŭ ria.ru, što Rasija lusterkava adkaža na vysyłku jaje hramadzian z dyppašpartami.
AZCHZ udzielničaje ŭ rasśledavańni chimičnych napadaŭ u Siryi i atručvańnia byłoha supracoŭnika HRU Siarhieja Skrypala i jaho dački Julii ŭ Sołśbiery.
***
Varta adznačyć, što Narviehija aryštavała niadaŭna rasijanina, jaki padazrajecca ŭ špijanažy, a Šviejcaryja zapatrabavała, kab Rasija spyniła lubuju špijonskuju dziejnaść na jaje terytoryi.