Łukašenka pavinšavaŭ členaŭ nacyjanalnaj kamandy Biełarusi pa lohkaj atletycy Volhu Mazuronak, Marynu Damancevič, Anastasiju Ivanovu i Ninu Savinych z vydatnym vystupam u marafonie na čempijanacie Jeŭropy 2018 hoda, paviedamlaje BiełTA.
Čytajcie: Volha Mazuronak zavajavała załaty miedal u marafonie na ČIE ŭ Bierlinie, niahledziačy na mocny kryvaciok z nosu
Kiraŭnik dziaržavy vykazaŭ asablivuju ŭdziačnaść lidaru kamandy Volzie Mazuronak. «Tvaja pieramoha ŭ asabistym i kamandnym zalikach nie tolki važki spartyŭny vynik, ale i jarki prykład samaachviarnaści i mužnaści, jakaja moža słužyć uzoram budučym čempijonam», — havorycca ŭ vinšavańni.
Alaksandr Łukašenka adznačyŭ, što kamanda z honaram prajšła źniemahalnaje vyprabavańnie na trasie ŭ Bierlinie i zavajavała kamandny kubak, paćvierdziŭšy siłu biełaruskaj lohkaatletyčnaj škoły. «Vami hanarycca kraina!» — padkreśliŭ Łukašenka i pažadaŭ spartsmienkam mocnaha zdaroŭja i novych pośpiechaŭ.
