Bok abvinavačvańnia prosić asudzić byłoha kiraŭnika transpartnaj inśpiekcyi Leanida Lemieša da 4,5 hoda źniavoleńnia. Nahadajem, jaho vinavaciać u atrymańni chabaraŭ. U sudzie Frunzienskaha rajona stalicy 13 lipienia praciahnuli słuchać spravu ŭ dačynieńni da načalnika transpartnaj inśpiekcyi i supracoŭnika DFR, paviedamlaje Tut.by.
Fota: Tut.by.
Prakuror prosić pryznačyć Leanidu Lemiešu 4,5 hoda pazbaŭleńnia voli ŭ kałonii ŭzmocnienaha režymu, z kanfiskacyjaj majomaści i zabaronaj zajmać arhanizacyjna-rasparadčyja pasady na praciahu piaci hadoŭ.
Druhi fihurant, namieśnik načalnika 4-ha ŭpraŭleńnia departamienta finansavych rasśledavańniaŭ Kamiteta dziaržkantrolu Mikałaj Žuraŭloŭ abvinavačvajecca ŭ machlarstvie, padbuchtorvańni i saŭdzielnictva ŭ dačy chabaru.
Dla jaho prakuror prosić 4 hady, pazbavić zvańnia «padpałkoŭnik finansavaj milicyi» i zabaranić pracavać u pravaachoŭnych orhanach na praciahu piaci hadoŭ.
Pavodle abvinavačańnia, načalnik inśpiekcyi dapamahaŭ peŭnym kampanijam atrymlivać dazvoły na prajezd hruzavikoŭ za miažoj z reziervu. Za što atrymaŭ chabaraŭ na sumu ŭ 500 dołaraŭ i dva suvienirnyja nabory (u kožnym — kańjak, duchi, kalandar, natatnik i ručka).
A supracoŭnik DFR Kamiteta dziaržkantrolu Žuraŭloŭ, pa materyjałach spravy, «padbivaŭ» na daču chabaru pieravozčyka z Bresckaj vobłaści.
