I jakraz ź zielaniny možna pryhatavać univiersalny i vielmi smačny sous piesta!
Heta dobra viadomy italjanski recept, u asnovie jakoha — bazilik. Ale ja nie abmiažoŭvaju siabie tolki hetaj raślinaj.
Naprykład, možna źmiašać kres-sałatu i rukału — ekśpierymienty vitajucca. Nižej vy znojdziecie kłasičny recept piesta z baziliku. Taksama ŭ dužkach ja prapanuju varyjanty inhredyjentaŭ, jakija mohuć nadać sousu asablivy smak i razam z tym zrabić jaho bolš dastupnym.
Składniki:
- 70 hr. śviežaha baziliku (luboj zielaniny);
- 30 hr. kiedravych arechaŭ (siemak ci arachisu);
- 60 hr. parmiezanu (luboha vytrymanaha syru, parmiezanu biełaruskaj vytvorčaści);
- 2 zubčyki časnaku;
- 80 hr. aliŭkavaha aleju (luboha raślinnaha aleju).
Arechi trochi padsmažyć na suchoj patelni. Parmiezan nacierci na drobnaj tarcy. Dalej treba zdrabnić bazilik, arechi, časnok. Jakim čynam vy heta budziecie rabić, zaležyć ad taho, jakija ŭ vas jość instrumienty i kolki ŭ rasparadžeńni volnaha času. Kłasičnym varyjantam pryhatavańnia ličycca ŭ stupcy (jašče kažuć, što tak zielanina nie hublaje svoj zialony koler), bolš chutki — u kambajnie ci z dapamohaj błendaru. Da masy dadajom syr i alej. Sous hatovy!
Hety sous možna dadavać da makarony, miasa i ryby, a taksama ŭžyvać jak namazku dla sendvičaŭ.
Smačna jeści!
*Sous moža zachoŭvacca ŭ chaładzilniku minimum tydzień. Kali zamarozić, to jašče daŭžej.
