Biełaruskija pravaachoŭnyja orhany čakajuć ekstradycyi z Ukrainy zatrymanaha na minułym tydni ŭ Daniecku adnaho z byłych kiraŭnikoŭ Biełaruskaha mietałurhičnaha zavoda.Adpaviednyja dakumienty ciapier rychtujuć orhany prakuratury, paviedamili BiełaPAN u MUS Biełarusi.
Pasada i proźvišča padazronaha ŭ intaresach śledstva nie raskryvajucca.
Sprava pa č. 4 art. 209 Kryminalnaha kodeksa (machlarstva) była raspačata ŭ dačynieńni da zatrymanaha i jašče adnaho hramadzianina Biełarusi ŭ śniežni 2004 hoda pa fakcie złačynstva, učynienaha dvuma miesiacami raniej. U kastryčniku 2004 hoda padazrony pa zmovie z pasrednikam, pradstaŭnikom adnoj z rasijskich kamiercyjnych struktur, pad dahavor ab pastaŭcy dabavak dla vyrabu stali na sumu prykładna 1 młn. dołaraŭ pieravioŭ hetyja srodki pa padrobnych dakumientach na rachunki niekalkich firm biez uzhadnieńnia z kiraŭnictvam bakoŭ. Potym hrošy byli źniatyja z rachunkaŭ hetych firm.
Paźniej u dačynieńni da padazronych była raspačata jašče adna kryminalnaja sprava — pa art. 424 (złoŭžyvańnie ŭładaj abo słužbovymi paŭnamoctvami). Adnak jany zmahli skrycca.
Druhi fihurant znachodzicca ŭ vyšuku.
