«Jandeks» prezientavaŭ multymiedyjnuju sistemu — kałonku dla doma, abstalavanuju hałasavym pamočnikam «Alisa», jaki zmoža kantaktavać z karystalnikami i vykonvać rasparadžeńni. Heta pieršaja pryłada, stvoranaja internet-chołdynham
Jak paviedamiŭ zasnavalnik «Jandeksa» Arkadź Vołaž, heta pieršaja «žalaziaka» kampanii, jakaja da hetaha času była skancentravana na raspracoŭcy prahramnaha zabieśpiačeńnia. «Jandieks.Stancyja» — heta chatni pamočnik, ź jakim možna pahavaryć i dać rasparadžeńni: uklučyć muzyku ci film - kałonku možna padklučyć da televizara. «My pastaralisia stvaryć pryładu z mahutnym hukam, dobrym słycham i dostupam da videakantentu», - paviedamiŭ na prezientacyi raspracoŭščyk «Jandeks.Stancyi» Kastancin Kruhłoŭ. «Alisa» padklučana da servisu «Jandieeks.Muzyka», katałohach onłajn-kinateatraŭ ivi.ru, «Kinopoisk» i «Amiediatieka». Stancyja moža znajści muzyku ci film, kiravać prajhravańniem (pieramotvać, pieraklučać treki, rabić cišej abo hučniej). U bližejšy čas źjaviacca funkcyi «raskazać kazku», kiravać televizaram (naprykład, pieraklučać kanały).
«Jandeks.Stancyja» raspracavana «Jandeksam», ale zborka pryłady vyrablajecca na fabrycy ŭ Kitai (nazva pradstaŭnik kampanii nie ŭdakładniŭ).
U kramach pryłada źjavicca hetym letam. Jaje cana składzie 9,9 tys. rub (kala 320 biełaruskich).
