Sud u Tajłandzie apraŭdaŭ Nastu Vašukievič (Nasta Rybka), Alaksandra Kiryłava (Aleks Łeśli) i jašče šaściarych rasijan i biełarusaŭ pa spravie ab praviadzieńni nielehalnych seks-treninhaŭ. Pra heta paviedamlaje ŭ aŭtorak, 17 krasavika, RIA Novosti sa spasyłkaj na advakata Sattchapchona Sijotchu.
Pavodle jaho słoŭ, takoje rašeńnie pryniata ŭ spravie ab niezakonnaj pradprymalnickaj i pracoŭnaj dziejnaści «u suviazi ź niadaŭnim ustupleńniem u siłu źmianieńniaŭ u pracoŭnym zakanadaŭstvie».
U toj ža čas inšaja sprava ŭ dačynieńni da aryštavanych — ab arhanizacyi prastytucyi — praciahvajecca. «Jany pa-raniejšamu padlahajuć departacyi ŭ krainy hramadzianstva, adnak pakinuć Tajłand pakul nie zmohuć, bo idzie śledstva pa spravie ab arhanizacyi pradastaŭleńnia pasłuh seksualnaha charaktaru ŭ składzie złačynnaj hrupy», — rastłumačyŭ advakat.
Sijotcha adznačyŭ, što pa druhoj spravie jaho padabaronnym pahražajuć praciahłyja terminy pakarańnia. Pasiadžeńnie pa joj pryznačana na 24 krasavika i adbudziecca ŭ vyhladzie telekanfierencyi, dadaŭ jon.
