Centr dziaržaŭnaj movy Łatvii pravieryć viedy nastaŭnikaŭ škoł nacmienšaściaŭ. Papiaredžańni ab budučych pravierkach ŭžo vysłany ŭ mnohija škoły Ryhi, vyśviatliŭ LTV7.
U Centry dziaržaŭnaj movy zapeŭnili, što kryteryi acenki buduć takimi ž, jak i raniej. Inśpiektary buduć aceńvać prahres nastaŭnikaŭ, paraŭnoŭvajučy ciapierašni vynik ź ich pośpiechami ŭ chodzie papiarednich pravierak. Praviarajučyja hatovyja pajści nasustrač tym nastaŭnikam, jakija pakažuć prahres i dobrasumlennaje staŭleńnie da prafiesijnych patrabavańniaŭ. Nastaŭnik pavinien viedać łatyšskuju movu na druhim vyšejšym uzroŭni — C1.
«My prahnazujem, što situacyja palepšyłasia. Adnak, kab pryjści da takoj vysnovy, nam treba pravieści pravierku. Chaču padkreślić, što heta nie źjaŭlajecca niečym nadzvyčajnym», — paviedamiła namieśnik dyrektara Centra dziaržaŭnaj movy Inhryda Bierzinia.
