Starejšuju mužčyna zhvałciŭ, kali joj było 14 hadoŭ. A da małodšaj čaplaŭsia na praciahu hoda, kali toj było 13 i 14 hadoŭ. Doŭhi čas dziaŭčynki pra heta nikomu nie raspaviadali, tamu što bajalisia ajčyma i im było soramna, piša «Viačerni Babrujsk».
Paśla razvodu baćkoŭ starejšaja dziaŭčynka zastałasia žyć z rodnym baćkam u Homielskaj vobłaści, a małodšaja — z maci i ajčymam ŭ Babrujsku. Starejšaja pryjazdžała da maci tolki na vakacyi.
Pra toje, što adbyłosia, stała viadoma ŭ 2017 hodzie. Starejšaja dačka napisała maci ŭ zapiscy, što ajčym jaje zhvałciŭ jašče niekalki hadoŭ tamu. I raspaviała, što jon prystaje da małodšaj siastry. Maci joj nie pavieryła, ale stała bolš uvažliva pryhladać za svaim mužam.
Adnojčy nočču jana pračnułasia i zaŭvažyła, što muža niama pobač. Uvajšła ŭ pakoj małodšaj dački i ŭbačyła, jak mužčyna vybiahaje z pakoju. Kažučy na jurydyčnaj movie, jon ździajśniaŭ ź joj «inšyja dziejańni seksualnaha charaktaru» na praciahu hoda.
Paźniej vyśvietliłasia, što ajčym navat pazbaviŭ jaje cnatlivaści niejkim pradmietam. Kali žančyna pryviała dačku da hiniekołaha, taja papiaredziła, što kali maci nie pojdzie ŭ milicyju, to heta zrobić jana sama.
Starejšuju dačku mužčyna, pa materyjałach spravy, zhvałciŭ ŭ studzieni 2014 hoda, kali jana haściavała ŭ Babrujsku. Jaje maci znachodziłasia na pracy. Tady dziaŭčynka ničoha maci nie raskazała.
Mužčynu zatrymali, zaviali spravu.
15 sakavika 2018 hoda ŭstupiŭ u siłu pryhavor suda. Mužčynu asudzili na 10 hadoŭ pazbaŭleńnia voli z adbyvańniem u papraŭčaj kałonii ŭzmocnienaha režymu. Taksama na karyść jaho starejšaj padčarycy spahnali maralnuju škodu ŭ pamiery piaci tysiač rubloŭ, na karyść małodšaj — siem tysiač rubloŭ.
