Aficyjny pradstaŭnik Dziarždepa Chizer Nojiert nazvała Rasiju «pačvaraj z marskich hłybiń», u jakoj «mnostva ščupalcaŭ».
Pra heta jana zajaviła, adkazvajučy na pytańnie pra vysyłku 60 rasijskich dypłamataŭ z ZŠA.
«U Rasii — doŭhija ruki, u Rasii — mnostva ščupalcaŭ. My ličym, što jany zachavajuć svaju cikavaść da našych vybaraŭ, a taksama da vybaraŭ u mnohich inšych krainach … Heta pačvara z marskich hłybiń», — skazała Nojiert.
Pavodle jaje słoŭ, hałoŭnaj umovaj dla palapšeńnia adnosin Vašynhtona z Maskvoj źjaŭlajecca ŭziaćcie Rasijaj na siabie adkaznaści pa spravie ab atručvańni byłoha rasijskaha raźviedčyka Siarhieja Skrypala.
«Dźviery da dyjałohu z rasijskimi ŭładami zastajucca adkrytymi, ale kali Rasija choča palapšeńnia adnosin, joj pierš za ŭsio treba ŭziać na siabie adkaznaść za hetuju ataku i spynić svaju biezrazvažlivuju i ahresiŭnuju dziejnaść», — dadała Nojiert.