U Vialikuju sieradu 28 sakavika ŭ 18.00 arcybiskup Tadevuš Kandrusievič, Mitrapalit Minska-Mahiloŭski, prymie ŭdzieł u nabaženstvie Kryžovaha šlachu na Załatoj Horcy i ŭznačalić celebracyju śviatoj Imšy ŭ intencyi achviaraŭ pažaru ŭ Kiemieravie, piša catholic.by.
Nabaženstva Kryžovaha šlachu projdzie na ćvintary pierad kaściołam Najśviaciejšaj Trojcy (sv. Rocha) na Załatoj Horcy ŭ Minsku (pr-t Niezaležnaści, 44-A).
Hetaje nabaženstva, jakoje stała ŭ Załatahorskaj parafii nieadjemnaj tradycyjaj Vialikaha tydnia, kaliści prachodziła ŭ teatralizavanaj formie. Sioleta, jak i ŭ minułym hodzie, nabaženstva projdzie tak, jak jano zazvyčaj adbyvajecca ŭ Vialikuju piatnicu ŭ rymskim Kaliziei.
Śviataja Imša ŭ intencyi achviaraŭ pažaru ŭ rasijskim Kiemieravie raspačniecca adrazu paśla nabaženstva ŭ Załatahorskaj śviatyni.
Arcybiskup Kandrusievič pamolicca ab viečnym supakoi dla zahinułych, ab zdaroŭi dla paranienych i ab Božym suciašeńni dla ŭsich, kaho baluča zakranuła trahiedyja ŭ handlovym centry «Zimovaja višnia».
