Na kadry, źniatyja padvodnym aparatam na hłybini 800 mietraŭ la Azorskich vyspaŭ, trapiła samka vudzilščyka ź siamiejstva kaŭłafrynavych. Jaje daŭžynia składaje kala 16 santymietraŭ. Navukoŭcy adnieśli jaje da vidu Caulophryne jordani, piša časopis Science.
Upieršyniu ŭ historyi atrymałasia źniać samku z prymacavanym da jaje samcom. Jany ŭ vudzilščykaŭ vielmi maleńkija i faktyčna źlivajucca z samkami, atrymlivajučy ŭsie pažyŭnyja rečyvy ź ich arhanizma.
«Ja vyvučaŭ hetych ryb bolšuju častku svajho žyćcia, ale nikoli nie bačyŭ ničoha padobnaha», — raspavioŭ bijołah Ted Pič z Vašynhtonskaha ŭniviersiteta ŭ Sietle.
Navukoŭcaŭ uraziŭ taksama i toj fakt, što vałokny płaŭnikoŭ u ryby śviacilisia. Pry hetym pakul niezrazumieła, ci adlustroŭvali jany śviatło pražektaraŭ padvodnaha aparata, ci vypramieńvali jaho sami.