Incydent adbyŭsia ŭ Kazani 17 sakavika, paviedamlaje telehram-kanał Mash.
Airbus 320 vykonvaŭ rejs №1279 i pavinien byŭ vylecieć u Maskvu a 7-j ranicy. Na borcie znachodzilisia 80 čałaviek, u tym liku dvoje dziaciej. Pierad vyletam ŭvieś ekipaž pavinien byŭ prajści miedkamisiju. Vyśvietliłasia, što 42-hadovy kamandzir pavietranaha sudna Vadzim Kašyn napadpitku.
U vyniku fielčar miedpunkta nie dapuściła jaho da palotu, a pasažyraŭ vyhruzili. Samalot adpraviŭsia a 13-j. Na borcie było 24 pasažyry. Astatnija palacieli ŭ Maskvu inšymi rejsami.
Fielčaru pryjšłosia napisać akt dvojčy — pieršy asobnik Kašyn vychapiŭ i parvaŭ. Prybor pakazaŭ 0,2 pramile. Daktaram piłot skazaŭ, što vypiŭ kuflik čyrvonaha vina za sutki da rejsa. Zatym, paviedamlaje Mash, adpuścić piłota daktaroŭ uhavorvaŭ pradstaŭnik avijakampanii, ale heta nie dało plonu.
«I heta jašče nie ŭsio pra Aerafłot i jaho pjanaha piłota. U pracesie tłumačeńniaŭ ź miedykami piłot Vadzim Kašyn płanamierna i ŭparta zakopvaŭ sam siabie. Spačatku jon skazaŭ, što nie piŭ. Potym, što piŭ ŭ hateli napiaredadni. Potym, što piŭ pazaŭčora i doma — vina i toje ledź-ledź.
I ŭsio b ničoha, voś tolki 16 sakavika Vadzim Kašyn vykonvaŭ rejs Maskva - Kazań. Heta značyć, albo kamandzir byŭ pjanym, kali lacieŭ sa stalicy, albo kali źbiraŭsia lacieć tudy», — piša Mash.
