«Utvareńnie Biełaruskaj Narodnaj Respubliki — pieršy krok da siońniašniaj niezaležnaści, — patłumačyŭ aficyjny pradstaŭnik Kanfierencyi katalickich biskupaŭ u Biełarusi Juryj Sańko. — Kaścioł nie moža zastacca ŭ baku, niahledziačy na toje, što 25 sakavika sioleta budzie vielmi važnym dniom u Vialikim poście — heta Palmavaja niadziela. Kaścioł svajoj malitvaju, svajoj prysutnaściu aśviačaje našuju ziamlu, tamu biskupami było pryniataje rašeńnie ab stvareńni admysłovaj malitvy, jakoj śviatary ŭ hety dzień buduć prasić Boha za našu Baćkaŭščynu, naš narod, kab dobry Boh dabrasłaŭlaŭ i napaŭniaŭ našuju štodzionnaść svajoj prysutnaściu».
Ci budzie malitva asobnaj pa zaviaršeńni eŭcharystyi, ci budzie adnym z zaklikaŭ da viernikaŭ, pakul nie vyrašana. U niekatorych parafijach zapłanavanaja asobnaja imša za Biełaruś. Pavodle Sańko, kožny śviatar, vierahodna, budzie sam prymać rašeńni pa svajoj parafii.
