Kamientujučy incydent u Sołśbiery, dzie 4 sakavika byli atručanyja były aficer HRU Siarhiej Skrypal i jaho dačka, ministr abarony Vialikabrytanii Hevin Uiljamsan abviaściŭ ab novych mierach dla abarony ad chimičnaj zbroi.
Viadomy svajoj žorstkaj linijaj ŭ dačynieńni da Maskvy, Uiljamsan taksama paraiŭ Rasii, na jakuju brytanskija ŭłady ŭskłali adkaznaść za heta napad, «zmatacca i zatknucca».
Adnačasova ŭ čaćvier Brytanija, ZŠA, Hiermanija i Francyja vypuścili sumiesnuju zajavu, u jakoj asudzili napad na Skrypala i ŭskłali vinu za incydent na Maskvu.
«Heta napad na suvierenitet Vialikabrytanii, i padobnaje dziejańnie dziaržavy — vidavočnaje parušeńnie Kanviencyi ab chimičnaj zbroi i mižnarodnaha prava. Jano pahražaje biaśpiecy ŭsich nas», — havorycca ŭ dakumiencie.
Raniej adkaznaść za ataku ŭskłali na Rasiju brytanskija ŭłady. Paśla hetaha premjer-ministr Tereza Mej ŭ sieradu abviaściła ab vysyłcy 23 rasijskich dypłamataŭ i šerahu inšych mier u adkaz.
Čytajcie taksama:
Žorstkaje vystupleńnie Mej na adras Rasii, ale praktyčna nijakich sutnasnych krokaŭ
The Guardian: 10 sposabaŭ, jak Vialikabrytanija moža adkazać na atručvańnie Skrypala
