Užo praź niekalki tydniaŭ adbudziecca pieršaja pastaŭka ŭzbrajeńnia z ZŠA va Ukrainu, paviedamlaje «Ukrainskaja praŭda».
Pra heta paviedamiŭ na pres-kanfierencyi ŭ sieradu prezident Piatro Parašenka.
Pavodle jaho słoŭ, ukrainskaja ŭłada dasiahnuła značnaha prahresu ŭ pieramovach z ZŠA ab atrymańni ad ich ŭzbrojenaj dapamohi.
«Pieršaja pastaŭka hetaha ŭzbrajeńnia pavinna adbycca praź niekalki tydniaŭ», — raskazaŭ kiraŭnik dziaržavy.
Jon paviedamiŭ, što heta buduć antysnajpierskija kompleksy, pakolki vielmi šmat ukrainskich vajskoŭcaŭ na Danbasie hinuć ad strełaŭ snajpieraŭ.
«Jany dapamohuć nam źnizić kolkaść zahinułych», — padkreśliŭ prezident.
Parašenka dadaŭ, što čakajecca pastaŭka z Amieryki i mnohich inšych vidaŭ ŭzbrajeńnia, ale jon nie moža ich nazvać z-za sakretnaści infarmacyi.