26 lutaha ŭstupili ŭ siły novyja normy zakona «Ab aŭtamabilnym transparcie i aŭtamabilnych pieravozkach», datyčnyja mižnaharodnich maršrutnych taksi. Ciapier kiroŭcy musiać zaklučać damovy ź dziaržaŭnym apierataram i z vakzałami. Pakul ułaśniki pryvatnych biznesaŭ nie viedajuć, jak im praciahvać pracu.
Čytajcie: Pryvatnyja mižharodnija maršrutki abaviažuć adpraŭlacca z vakzałaŭ, a kiroŭcy suprać. Tłumačym, što adbyvajecca
Čytajcie: Mintrans prakamientavaŭ źmieny ŭ zakon ab «pryvatnych maršrutkach»
Kab nie patrapić na sankcyi, niekatoryja kampanii admianili rejsy. Naprykład, abiedźvie bujnyja kampanii, jakija vazili pasažyraŭ pamiž Połackam/Navapołackam i Minskam, — «Połacki ekspres» i «Zachodniaja hubiernija» — prypynili svaju dziejnaść.
Heta ahułam kala 100 rejsaŭ za dzień. Vyjechać z Połacka možna było kožnuju hadzinu ci navat čaściej z 5:00 da 19:00. Ź Minska maršrutki vyjazžali z 7:00 da 21:00. Košt prajezdu ŭ ich składaŭ 7 rubloŭ u adzin bok.
U vyniku pasažyry faktyčna zastalisia biez alternatyvy.
Pavodle dadzienych partała ticketbus.by, u budnija dni z Połacka ŭ Minsk iduć tolki dva rejsy — u 9:10 i 14:10. U advarotny bok — u 08:00 i 16:30. Na niekatoryja ź ich usie kvitki ŭžo raskuplenyja.
Čyhunka taksama nie nadta dapamahaje — z Połacka ŭ stalicu iduć dva marudnyja načnyja ciahniki i adna chutkasnaja biznes-elektryčka z vyjezdam u 6:19. Na paniadziełak usie kvitki na jaje pradadzienyja, na aŭtorak zastalisia 3 svabodnyja miescy.
U advarotny bok biznes-elektryčka idzie ŭviečary. Na paniadziełak zastałosia adno svabodnaje miesca.
Zrešty, ź inšymi nakirunkami padobnaja situacyja pakul nie skłałasia. Bolšaść pieravozčykaŭ vyrašyła praciahvać rejsy, spadziajučysia nie patrapić na pakarańnie.
Tym časam kiroŭcy i pasažyry stvarali pietycyju z prośbaj zachavać raniejšy paradak dziejnaści maršrutak. Pad joj padpisalisia 2760 čałaviek.
