Dvum lidaram našaj zbornaj Antonu Kušniru, Maksimu Huściku nie ŭdałosia kvalifikavacca ŭ finał, pryčym Kušniru nie chapiła nikčemnych 0,45 bała. Takim čynam, ź biełarusaŭ kvalifikacyju prajšoŭ Stanisłaŭ Hładčanka. Jon zabiaśpiečyŭ sabie finał pieršaj ža sprobaj, u jakoj zaniaŭ čaćviortaje miesca. Adnak dalejšyja pierśpiektyvy niezrazumiełyja, piša by.tribuna.com.
Stanisłaŭ Hładčanka — samy małady frystajlist ŭ biełaruskaj alimpijskaj kamandzie. Jamu 23 hady.
Ni razu nie vyjhravaŭ na etapach Kubka śvietu i tolki raz padnimaŭsia na pjedestał za piać hadoŭ vystupu ŭ rozyhryšy. Zdaryłasia heta krychu bolš za hod tamu. Biełarus zaniaŭ druhoje miesca na etapie ŭ amierykanskim Dzir Veli. Vyšej za jaho akazaŭsia tolki mocny kitajec Ci Huańpu. Pakul što hety skačok Stanisłaŭ ličyŭ lepšym momantam u svajoj karjery.
Niadrenna vystupiŭ na apošnim čempijanacie śvietu ŭ ispanskaj Śjera-Nievadzie. Staŭ lepšym ź biełarusaŭ, jaki prabiŭsia ŭ supierfinał i zaniaŭ vysokaje piataje miesca.
Na Alimpijadu ŭ Sočy Hładčieanka nia adabraŭsia praź nie samuju składanuju prahramu. U novym alimpijskim cykle Hładčanka ŭskładniŭ prahramu.
Pierad pieradalimpijski siezonam jamu zrabili apieracyju na tazaściehnavym sustavie. Adnak spartsmien zmoh nabrać formu i hodna vystupić u Kubku śvietu i na čempijanacie śvietu.
***
Siońniašni finał budzie vielmi śpiecyfičnym. Hałoŭnymi favarytami stali dva kitajcy. Vidavočnymi aŭtsajderami vyhladajuć dva šviejcarcy. Astatniaja dziasiatka pry ŭdałym źbiehu abstavinaŭ moža raźličvać na miedal. U tym liku i Hładčanka. Pačatak finału — u 14:00.
Sočym za Alimpijadaj razam z Bukmiekierskaj kantoraj Marafon.
