Ministr moładzi i sportu Ukrainy Ihar Ždanaŭ zaklikaŭ zaŭziataraŭ nie jechać na Čempijanat śvietu pa futbole-2018, jaki adbudziecca letam u Rasii. Pra heta Ždanaŭ zajaviŭ u efiry telekanała «Priamoj».
«Ja bačyŭ, nakolki ŭsia suśvietnaja supolnaść była blizka da pryniaćcia hetaha rašeńnia [bajkotu čempijanatu] dva hady tamu. Kali pačalisia sudovyja pracesy suprać byłoha kiraŭnictva FIFA, źmieny, abvinavačvańni ŭ karupcyi», — skazaŭ ministr.
Zaraz, pa słovach Ždanava, «kampanija» pa bajkocie spabornictvaŭ pa futbole źniziłasia. «Chacia z punktu hledžańnia našych nacyjanalnych intaresaŭ my rabili ŭsio, kab hety čempijanat nie adbyŭsia ŭ Rasii», — praciahnuŭ ministr.
Pavodle jaho słoŭ, ukrainskim zaŭziataram i ŭdzielnikam ATA nie varta jechać u Rasiju, a sam zaklik ułady majuć namier aformić u ahulnuju zajavu z MZS krainy i Słužbaj biaśpieki Ukrainy (SBU).
Nahadajem, što Ukraina nie zdoleła prabicca na ČS pa futbole, prapuściŭšy napierad Isłandyju i Charvatyju.
