Kiraŭnik MUS Tadžykistana Ramazon Rachimzada zajaviŭ napiaredadni žurnalistam, što jaho zahad ab zvalnieńni z orhanaŭ unutranych spraŭ supracoŭnikaŭ, jakija majuć lišniuju vahu, i pa hety dzień zastajecca ŭ sile.
«Načalnik upraŭleńnia kadraŭ MUS Tadžykistana Suchrob Rachmanzoda paśla pryniaćcia taho zahada skinuŭ 15 kh vahi», — raskazaŭ ministr MUS žurnalistam na pres-kanfierencyi ŭ Dušanbe.
Jon taksama adznačyŭ, što pa pryčynie lišniaj vahi kala 20 supracoŭnikaŭ tadžykskaj milicyi byli adchilenyja ad zajmanych pasadaŭ. «Ale jany buduć adnoŭleny na pasadzie paśla taho, jak skinuć lišniuju vahu», — paabiacaŭ kiraŭnik MUS.
U śniežni 2016 hoda ministr unutranych spraŭ Tadžykistana Ramazon Rachimzada zahadaŭ svaim supracoŭnikam skinuć lišniuju vahu pad pahrozaj zvalnieńnia.
Tady MUS vydała narmatyvy suadnosin rostu i vahi dla milicyjantaŭ: tak, pry roście 168—170 santymietraŭ, vaha nie pavinna pieravyšać 75 kiłahramaŭ.
Pres-słužba Ministerstva ŭnutranych spraŭ Tadžykistana paviedamlała, što try razy na tydzień usie supracoŭniki pravaachoŭnych orhanaŭ prabiahajuć dystancyju ŭ 5 kiłamietraŭ, zajmajucca inšymi fizičnym nahruzkami.
«Vaha našych supracoŭnikaŭ pavinna adpaviadać mižnarodnaj tablicy suadnosin uzrostu i rostu», — skazaŭ u studzieni 2017 hoda padčas sustrečy z žurnalistami Rachimzada, i dadaŭ, što sam zajmajecca sportam pastajanna.
U MUS kirujucca voś hetaj tablicaj suadnosinaŭ aptymalnaj vahi da ŭzrostu i rostu.
