31 studzienia padčas narady urada Litvy Ministerstva aśviety i navuki pradstaviła prajekt rašeńnia ab adterminoŭcy adklikańnia dziejučaj licenzii Jeŭrapiejskaha humanitarnaha ŭniviersiteta (EHU) da 1 lipienia 2019 hoda.
Takoje rašeńnie dazvolić Univiersitetu praciahvać pracu ŭ štatnym režymie i padać zajavu na atrymańnie novaj licenzii. Čakajecca, što novaja licenzija budzie vydadziena EHU da pačatku novaha 2018/19 navučalnaha hoda, adznačajecca ŭ pres-relizie VNU
Sioleta navučalny praces u EHU budzie ažyćciaŭlacca ŭ adpaviednaści z zaćvierdžanym akademičnym hrafikam: paśla ekzamienacyjnaj sesii studenty raspačnuć viasnovy siemiestr 1 sakavika, uručeńnie dypłomaŭ vypusknikam EHU adbudziecca 29 červienia, pryjom dakumientaŭ dla pastupleńnia na bakałaŭrskija i mahistarskija prahramy budzie prachodzić z 1 traŭnia da 1 lipienia.
Kiraŭničaja rada EHU vitaje kanstruktyŭnyja vyniki narady ŭrada Litvy, što dazvolać biełaruskamu ŭniviersitetu ŭ vyhnańni ŭ Vilni i dalej praciahvać pracu. Kiraŭnictva EHU padaść uładam Litvy aficyjnuju zajavu ab vydačy novaj licenzii, adznačajecca ŭ pres-relizie ŭniviersiteta.
