24 studzienia ŭ Biełarusi pierastaŭ adkryvacca papularny sajt Chartyja'97 — jaho niemahčyma adkryć i z mabilnaha internetu, i ź inšych pravajdaraŭ.
Pry sprobie zajści na sajt źjaŭlajecca paviedamleńnie, što resurs zabłakavany zhodna adrazu z tryma rašeńniami za roznyja hady: z ukazam prezidenta, pastanovaj AAC i dekreta prezidenta.
Pry hetym z terytoryi Biełarusi sajt praciahvaje adkryvacca praz TOR.
«Chartyja'97» — heta sajt, stvorany biełaruskim žurnalistam Aleham Biabieninym. Ciapier Chartyjaj kiruje Natalla Radzina.
Paśla vybaraŭ 2010 redakcyja sajta pierajechała ŭ Litvu, a paśla ŭ Polšču, siońnia resurs pracuje adtul i maje vyraznuju antyłukašenkaŭskuju pazicyju.
Sproby abmiežavać dostup da Chartyi rabilisia i raniej.
Taksama nahadajem, što niadaŭna, pavodle rašeńnia Ministerstva infarmacyi, byŭ zabłakavany sajt «Biełaruski partyzan» — u vyniku sajt adnaviŭ rabotu, kali pierajšoŭ u damiennuju zonu.by.
***
Na telehram-kanał «Našaj Nivy» možna padpisacca tut.
