Tannyja avijalinii «Pabieda», jakija bazujucca ŭ maskoŭskim aeraporcie «Unukava», pačnuć rehularnyja rejsy ŭ Biełaruś z 16 lutaha. Mintrans Biełarusi paviedamlaje, što avijakampanija atrymała akredytacyju na paloty ŭ Homiel z 16 lutaha i ŭ Minsk z 25 sakavika.
«Pabieda» padała zajaŭku na vykanańnie palotaŭ z hetych dat, my ich paćvierdzili, — skazała Tut.by namieśnik dyrektara departamienta pa avijacyi Mintransa RB Iryna Marozava. Pavodle infarmacyi departamienta, rasijski łaŭkost-pieravozčyk zapytvaje štodzionnyja rejsy ŭ Homiel i Minsk.
Z pryčyny adsutnaści naŭprostavych avijaznosin pamiž RF i Ukrainaj, hetyja napramki mohuć siońnia być całkam prybytkovymi dla avijapieravozčykaŭ. Ale pakul nie zaklučanyja damovy z servisnymi arhanizacyjami ŭ aeraportach, jakija buduć pryjmać rejsy, i taryfy na avijapieraloty zastajucca nieviadomymi.
Čakajecca, što ŭ sakaviku ŭ Miensk pačnie lotać jašče adzin łaŭkostar z Sankt-Pieciarburha. Pavodle nieaficyjnaj infarmacyi firma «Nordavija» budzie ažyćciaŭlać absłuhoŭvańnie maršrutu Sankt-Pieciarburh — Minsk.
