Z domu prapała 5.200 dalaraŭ ZŠA i bolš za 30 tysiač rasijskich rubloŭ.
— Kradziažy ździajśnialisia z maja 2015-ha pa žnivień 2017-ha, — raspavioŭ «Miedyja-Paleśsie» namieśnik načalnika Łuninieckaha rajadździeła Śledčaha kamiteta Leanid Vaniukoŭ. — Na momant pačatku kradziažoŭ dziciaci było 11 hadoŭ. Chłopčyk viedaŭ, dzie baćka zachoŭvaje kluč ad siejfa, i tajemna braŭ adtul dalary. Vykradaŭ jon hrošy i z baćkavaj barsietki, dzie zachoŭvalisia rasijskija rubli.
Kali baćka vyjaviŭ prapažu, źviarnuŭsia ŭ pravaachoŭnyja orhany.
Vyśvietliłasia, što šlacham damoŭlenaściaŭ i pahroz zaviedama małaletniaha prymušaŭ prynosić hrošy jaho starejšy siabar, u toj čas navučeniec adnaho z kaledžaŭ. Kazaŭ, što biare pazyku i abiacaŭ viarnuć. A sam mianiaŭ techniku: matacykł, skutar i patrymanyja aŭtamabili.
U pieryjad papiaredniaha rasśledavańnia padazravanamu spoŭniłasia 18 hadoŭ. U dačynieńni da jaho zaviedziena 27 kryminalnych spraŭ pa častcy 2 artykuła 205 «Kradziež» i častcy 1 artykuła 172 KK RB «Uciahvańnie niepaŭnaletniaha ŭ ździajśnieńnie złačynstva».
Bolšaja častka škody kampiensavana.
Spravy pieradadzienyja prakuroru dla nakiravańnia ŭ sud.
Pavodle Kryminalnaha kodeksa, uciahvańnie asobaj, jakaja dasiahnuła 18-hadovaha ŭzrostu, zaviedama niepaŭnaletniaha ŭ złačynstva šlacham abiacańniaŭ, padmanu abo inšym sposabam karajecca abmiežavańniem voli na termin da piaci hadoŭ abo pazbaŭleńniem voli na toj ža termin.
