Uładalnik finansavaj hrupy TAS Siarhiej Cihipka, jaki taksama źjaŭlajecca staršynioj praŭleńnia ŭkrainskaha filijału «Swedbank», adčynić u Biełarusi novy bank, paviedamili ŭ Asacyjacyi biełaruskich bankaŭ (ABB). U Nacbank padadzienyja dakumenty na rehistracyju. U vypadku, kali «T-Bank» zarehistrujuć, to jon, na dumku ekspertaŭ ABB, najchutčej, budzie pracavać u razdrobavym sehmencie.
Na biełaruskim rynku prysutničajuć rasiejskija «Alfa-bank», «Bank Moskvy», «VTB», «Hazprombank», kazachski «TuranAlem», aŭstryjski «Raiffeisen Inc.», česki «Home Credit & Finance Bank». Libanski «Fransabank» u vieraśni nabyŭ «Załaty taler», a na minułym tydni iranskaja finansavaja kampanija «Tejarat» zajaviła pra stvareńnie novaha biełaruskaha banku -- "Bank handlovy kapitał".
Siarhiej Cihipka maje svaje intaresy ŭ Biełarusi nia tolki ŭ bankaŭskim biznesie. Jahonaja hrupa TAS razam z hrupaj «Pryvat» vałodaje akcyjami Krukaŭskaha vahonabudaŭničaha zavodu, taho samaha, što realizuje piacihadovy prajekt z Homielskim vahonaramontnym zavodam.
