Daterminovaje hałasavańnie pa vybarach deputataŭ Pałaty pradstaŭnikoŭ Nacyjanalnaha schodu čaćviortaha sklikańnia pačynajecca ŭ Biełarusi z 23 vieraśnia. Ab hetym karespandentu BIEŁTA paviedamiŭ sakratar Centralnaj vybarčaj kamisii Mikałaj Łazavik.
U chodzie daterminovaha hałasavańnia, jakoje pradoŭžycca na praciahu piaci dzion, hramadzianie zmohuć naviedać svaje vybarčyja ŭčastki z 10 da 14 i z 16 da 19 hadzin. Takaja praktyka hałasavańnia raspaŭsiudžana va ŭsim śviecie, jana harantuje realizacyju vybarčaha prava kožnaha žychara svajoj krainy: kali čałaviek u dzień vybaraŭ znachodzicca daloka za miežami svajoj akruhi, jon atrymlivaje šans aktyŭna paŭdzielničać u vybarčaj kampanii zahadzia, adznačyŭ subiasiednik. Aficyjnaha paćviardžeńnia pryčyn niemahčymaści vybarščyka pryjści ŭ pamiaškańnie dla hałasavańnia ŭ dzień vybaraŭ nie patrabujecca.
Zhodna ź dziejučym zakanadaŭstvam, daterminovaje hałasavańnie ažyćciaŭlajecca ŭ prysutnaści nie mienš jak dvuch členaŭ učastkovaj kamisii. Pry atrymańni biuletenia vybarščyk ułasnaručna raśpisvajecca ŭ śpisie hramadzian, jakija majuć prava ŭdzielničać u vybarach, i paznačaje datu daterminovaha hałasavańnia.