Adkaznaść za niaŭdały zapusk «Sajuza-2.1b» z kasmadroma Uschodni lažyć na Błahavieščanskim biskupie Łukijanie, jaki aśviačaŭ rakietu-nośbit pierad startam. Pra heta radyjostancyi «Havoryć Maskva» zajaviŭ siońnia protadyjakan Andrej Kurajeŭ, paviedamlaje lenta.ru.
«Kali čałaviek niešta robić, a vychodzić drenna, to dla jaho heta pytańnie zadumacca, ci pravilna jon robić. Vielmi dziŭna, što carkva byccam by akazvaje pasłuhi, ale nikoli nie adkazvaje za jakaść hetych pasłuh. U hetym jość peŭnaja prablema», — cytuje Kurajeva sajt radyjostancyi.
Rakieta «Sajuz» z 19 spadarožnikami na borcie startavała z Uschodniaha siońnia a 08:41 pa minskim časie. «Raskosmas» adspravazdačyŭsia pra vyviadzieńnie razhonnaha błoka z trochtonnym aparatam «Mieteor-M» na raźlikovuju arbitu, adnak paśla paviedamiŭ, što na metavuju arbitu spadarožnik nie vyjšaŭ, a suviaź ź im ustanavić nie ŭdałosia.
Pavodle papiarednich danych, rakieta zvaliłasia ŭ Atłantyčny akijan razam z usimi spadarožnikami.
