AP
Eks-kiraŭnika pieradvybarčaha štaba i byłoha daradcy Donalda Trampa Poła Manaforta abaviazali zdacca fiederalnym uładam, paviedamlaje The New York Times sa spasyłkaj na svaje krynicy blizkija da rasśledavańnia.
Pa dadzienych haziety, jamu budzie pradjaŭlena pieršaje abvinavačańnie ŭ ramkach rasśledavańnia ab umiašańni Rasii ŭ vybary ŭ ZŠA.
Pa dadzienych CNN, jon užo prybyŭ u ofis śpiecyjalnaha prakurora Robierta Miulera ŭ supravadžeńni svajho advakata.
Razam z Manafortam źjavicca da fiederalnych uładaŭ daručana taksama jaho byłomu biznes-daradcu, Ryku Hiejtsu, udakładniaje The New York Times. Hazieta taksama adznačaje, što pakul niezrazumieła, jakija mienavita abvinavačvańni buduć pradjaŭlenyja Manafortu, adnak heta aznačaje, što ŭ spravie ab rasijskim ŭmiašańni ŭ vybary adbyŭsia značny praryŭ, bo ŭ rasśledavańni narešcie moža źjavicca pieršy abvinavačany.
Ryk Hiejts — daŭni partnior Manaforta, jaho imia źjaŭlajecca ŭ dakumientach afšornaj kampanii, źviazanaj z Manafortam, praź jakuju jon atrymlivaŭ płaciažy ad palitykaŭ i biźniesmenaŭ z Uschodniaj Jeŭropy.
Manafort uznačalvaŭ pieradvybarčy štab Trampa z maja pa žnivień 2016 hoda. Jon taksama viadomy jak były daradca Viktara Janukoviča - jon niekalki hadoŭ kansultavaŭ Partyju rehijonaŭ.
