Centralizavanaje testavańnie padychodzić da finišnaj rysy. Zaŭtra abituryjentam treba budzie apošniaje vyprabavańnie - pa suśvietnaj historyi. Va ŭstupnaj kampanii źjavilisia svaje hieroi, jakija spravilisia z testami na ŭsie sto.
Siarod takich abituryjentaŭ — Elina Sierada, vypusknica minskaj himnazii № 2. Dziaŭčyna ź lohkaściu nabrała sotniu pa matematycy, pryčym na ŭsie zadańni ŭ jaje pajšło tolki dźvie hadziny. Kaža, zadačy byli vielmi padobnyja na repietycyjnaje testavańnie i składanaściaŭ nie vyklikali. Sama ž stobalnica źbirajecca vyvučać suśvietnuju ekanomiku na fakultecie mižnarodnych adnosin BDU.
U pieršych šerahach taksama dvajniaty Maksim i Arciom Łazoŭskija. Vypuskniki Liceja BDU zdavali matematyku, fiziku i ruskuju movu, źbirajucca pastupać na fakultet prykładnoj matematyki i infarmatyki BDU. Vynikaŭ pa fizicy čakać jašče niekalki dzion, chłopcy śćviardžajuć, što test byŭ lohkim.
A voś matematyka padałasia siaredniaj składanaści, ale vyniki hodnyja: u Maksima - 100, u Arcioma - 97. Chłopcy, praŭda, krychu zasmučanyja, bo praspračalisia na šakaładku - stavili na toje, što nabiaruć 200 na dvaich …
