U numary haziety New York Post ad 30 červienia vyjšaŭ artykuł pra tvity prezidenta ZŠA Donalda Trampa. U im try słovy.
«Spynisia. Prosta spynisia», - pryvodzić fatahrafiju materyjału žurnalistka vydańnia Mehi Kołan. Artykuł jość i na sajcie New York Post. Tam havorycca, što aŭtaram artykuła źjaŭlajecca redakcyja vydańnia.
Tak u haziecie adreahavali na tvit Trampa, u jakim jon rezka adazvaŭsia ab viadučych prahramy Morning Joe na telekanale MSNBC Majk Bžezinski i Džo Skarbara. «Ja čuŭ, što ŭ prahramie Morning Joe, u jakoj nizkija rejtynhi, pra mianie drenna kažuć (ja jaje bolš nie hladžu). Jak nizka pali varjatka Mika ź nizkim I.Q. i psichapat Džo», - napisaŭ Tramp u čaćvier.
Paśla hetaha ŭ amierykanskich vydańniach pačali vychodzić materyjały z krytykaj prezidenta. «Nieadpaviednaj» takuju reakcyju paličyli i ŭ Respublikanskaj partyi, pra što zajaviŭ śpikier Pałaty pradstaŭnikoŭ Poł Rajan.
