Śledčy kamitet praciahvaje rasśledavać kryminalnuju spravu ŭ dačynieńni da 28-hadovaha Andreja, jaki, pa viersii śledstva, napaŭ na siaržanta milicyi. Chłopcu pahražaje da piaci hadoŭ pazbaŭleńnia voli.
«Muža niekalki tydniaŭ tamu adpravili ŭ Navinki. Nam skazali, što pryznačeńnie psichijatryčnaj ekśpiertyzy — heta standartnaja pracedura», — raskazvaje TUT.BY žonka abvinavačanaha.
Nahadajem, śviatkavańnie Novaha hoda dla žychara Minska Andreja skončyłasia zatrymańniem i kryminalnym spravaj. Kampanija maładych ludziej adznačała śviata ŭ jaho kvatery na praśpiekcie Lubimava, bližej da ranicy na šum paskardzilisia susiedzi i vyklikali milicyju. Na vyklik pryjšoŭ 23-hadovy siaržant milicyi. Vartavy paradku i Andrej prabyli sam-nasam ŭsiaho dźvie chviliny, i pačulisia streły.
Praź niekalki chvilin abodvuch dastavili ŭ vajenny špital. Milicyjantu pastavili dyjahnaz «zakrytaja čerapna-mazhavaja traŭma, strasieńnie hałaŭnoha mozhu», u Andreja było dva ahniastrelnyja ranieńni. Spačatku ŭ jaho pałaty vystavili kanvoj, a zatym uziali pad vartu prosta ŭ reanimacyi. Paśla 20 studzienia abvinavačanaha z balnicy pieravieźli ŭ SIZA.
Što ž tyčycca milicyjanta, to paśla zdareńnia jon syšoŭ u adpačynak. A ciapier znoŭ pracuje pamočnikam dziažurnaha.
«Siońnia ź im źviazacca nie atrymajecca, u jaho vychadny», — adkazali ŭ Maskoŭskim RUUS.
