U internecie apublikavany damp elektronnaj pierapiski čałavieka, proźvišča jakoha vy, mabyć, nikoli nie čuli. Chto vykłaŭ u internet jahonuju pierapisku — pakiniem heta pad pytalnikam.
Čałavieka zvać Alaksandr Usoŭski, naradziŭsia jon u Biełaaziersku, hramadzianin Biełarusi, žyvie ŭ Viciebsku.
Aficyjny zaniatak — piśmieńnik. Heta — aficyjny. A hrošy jon zarablaje ź inšaha. Jak vynikaje z dampa, u 2014 hodzie jon atrymaŭ 100 tysiač jeŭra na arhanizacyju prarasijskich akcyj u Vienhryi, Słavaččynie, Čechii i Polščy. Nu jak prarasijskich — heta byli takija apieracyi pa raspalvańni polska-ŭkrainskaj, vienhierska-ŭkrainskaj i h.d. varožaści. Ale da hetaha my vierniemsia paźniej, jak i da jahonych «knih». Nas najpierš zacikaviła biełaruskaja častka pierapiski Usoŭskaha. U lik jahonych kantaktaŭ uvachodzili dziejačy, čyje proźviščy na słychu. Heta Alaksiej Dziermant, Alaksandr Špakoŭski, Alaksandr Sińkievič.
Nas zacikavili taksama acenki Usoŭskim Alaksandra Łukašenki i biełaruskich čynoŭnikaŭ — zbolšaha maciernyja.
Pierš čym pierajści da źmiestu pierapiski, niekalki ŭstupnych zaŭvah. Jak vynikaje ź pierapiski, Usoŭski na svaju dziejnaść u 2014 hodzie atrymlivaŭ hrošy z Rasii — jon ličyć, što z atačeńnia rasijskaha aliharcha Kanstancina Małafiejeva. Taho samaha Małafiejeva, jaki, pavodle aficyjnaj viersii, finansavaŭ šturmavy atrad Strałkova, padziei ŭ Adesie i Charkavie i zachop budynkaŭ orhanaŭ ułady ŭ Daniecku i Łuhansku.
Čym ža zajmaŭsia Usoŭski ŭ krainach Uschodniaj Jeŭropy? Voś pamiatajecie niadaŭni marš pamiaci «vyklatych sałdat» u Hajnaŭcy? Tam z Hajnaŭki ŭdzielničali piać čałaviek, astatnija pryjechali adniekul, ale marš padniaŭ hradus niedavieru miž palakami i biełarusami na Padlaššy. (Čytajcie taksama: «Biełarusy i «vyklatyja žaŭniery»: pamiž dźviuma tatalitarnymi ideałohijami».) Prykładna na takich akcyjach śpiecyjalizavaŭsia i Usoŭski. Naprykład, razmaloŭvańnie ŭkrainskaha pomnika ŭ Hrušovicach. Tak — polskija nieanacysty na hrošy z Kramla, pierakinutyja praź biełarusa, apahanili ŭkrainski pomnik, kab dać siužet dla rasijskich ŚMI.
Niezaŭvažny čałaviek, jaki žyŭ u hety pieryjad u Viciebsku. A niemałymi hrašyma rasparadžaŭsia. Takija b hrošy — dy Lošu Dziermantu ŭ ruki ci Alesiu Špakoŭskamu!
Ty budzieš «nasić Brioni», «namatvać šoŭkavyja parcianki», «Jahuary XF kuplać», — spakušaje apošniaha Usoŭski. I Špakoŭski nie spyniaje kantakta, praciahvaje pierapisku.
Alaksiej Dziermant, Piatro Piatroŭski, Vadzim Hihin, Alaksandr Špakoŭski ŭ efiry rasijskaha telebačańnia (źleva naprava).
Vierniemsia da biełaruskaj častki apublikavanych dakumientaŭ. Damp pierapiski maje tysiačy paviedamleńniaŭ, tamu my vyrašyli raźbić materyjał na niekalki častak.
Aktyvist «Pravaha aljansu» i achoŭnik Milinkieviča
Aleś Špakoŭski źjaviŭsia na biełaruskaj scenie u siaredzinie 2000-ch jak adzin z aktyvistaŭ «Pravaha aljansu». U 2006 jon navat achoŭvaŭ Alaksandra Milinkieviča padčas prezidenckich vybaraŭ. Užo tady ŭvahu jaho siabroŭ pa arhanizacyi źviarnuŭ toj fakt, što, u adroźnieńnie ad svaich tahačasnych paplečnikaŭ, jon paźbiehnuŭ zatrymańnia ŭ časie Płoščy.
Špakoŭski adpracavaŭ niejki čas nastaŭnikam i supracoŭnikam administracyi Frunzienskaha rajona Minska. Paśla hetaha jon uznačaliŭ inicyjatyvu «Antymak» pa zmahańni ź biełaruskim narkatyčnym łobi.
U pierapiscy z Usoŭskim Špakoŭski namiakaje, što maje ŭ milicyi vahu — škaduje ab pryznačeńni Karpiankova ŭ HUBAZiK, zajaŭlajučy, što kali b taho pryznačyli ŭ Słužbu biaśpieki prezidenta, to «jany b tady narabili spraŭ».
A Usoŭski, u svaju čarhu, raić Špakoŭskamu: «Sania, sychodź ź milicyi».
Meta — raspaŭsiud «Imchakłabaŭ» pa Uschodniaj Jeŭropie
Tak ci inačaj, u pierapiscy Špakoŭski z Usoŭskim budujuć płany rusifikacyi Uschodniaj Jeŭropy: ich ujaŭleńnie malavała sabie vychad Słavakii i Vienhryi ź ES, uvachod hetych krain u Mytny sajuz, revalucyju ŭ Polščy…
Pad svaje prajekty jany šukajuć hrošy jak u rasijskich struktur, tak i biełaruskich orhanach ułady.
Hetaje tyrkańnie za hrošami miescami pachodzić na tryler, miescami — na aniekdot.
Płan u tavaryšaŭ byŭ nastupny — stvaryć u krainach Vyšahradskaj hrupy infarmacyjnyja partały na ŭzor sajta «Imchakłab.łv»
Dalej, šlacham «piaci hadoŭ nastojlivaj prapahandy» jany raźličvali radykalna pieramianić nastroi ŭ krainach Uschodniaj Jeŭropy.
«Mnie Padharadziecki [hety inšy piersanaž prarasijskaha paŭśvietu zasłuhoŭvaje asobnaha rasśledavańnia — NN] abiacaŭ dać instrumienty dla kiravańnia ruchavikom «Imchakłaba.łv», my na jaho bazie stvorym demanstracyjnuju viersiju taho, što ja płanuju stvaryć u polskaj, vienhierskaj, słavackaj i češskaj zonie interneta, ale dla sajtaŭ treba kantent. Chacia b 25—27 tekstaŭ dla pačatku, i paśla pa 4—5 abnaŭleńniaŭ na dzień. Paśla treba vyznačycca, u jakim vyhladzie my chočam bačyć Imchakłab.baj, a paśla hetaha nabić kantenta, u ciabie jość teksty?» — piša Usoŭski Špakoŭskamu.
«U mianie tekstaŭ — kiłamietr», — zapeŭnivaje Špakoŭski.
Takim čynam, prajekt «Imchakłab.baj» abmiarkoŭvajecca Špakoŭskim i Usoŭskim jašče ŭ 2013 hodzie — za dva hady da pačatku jaho pracy ŭ Biełarusi i za hod da taho, jak Usoŭski skancentrujecca na absłuhoŭvańni rasijskich intaresaŭ adnosna Ukrainy.
«Čamu nie my miakkaja siła Rasii ŭ Biełarusi?»
Paru słoŭ pra ideałohiju hetaha koła.
Usoŭski tłumačyć Špakoŭskamu, što choča žyć u Rasijskaj impieryi, kab «prazachodniaja publika była albo na lesapavale, albo ŭ emihracyi».
A voś što Usoŭski piša pra Druhuju suśvietnuju. Chałakost jon admaŭlaje, ličyć prydumkaj jaŭrejaŭ (styl i pravapis aryhinału):
Alexander Usovski 24 nojabria 2013: «U mojeho odnokłaśśnika Hieny Daniłkoviča mama prošła čieriez Ośviencim. Pinskaja jevriejka, maleńkaja dievočka. Privieźli jejo v Ośviencim bolnoj tubierkulozom, vmiestie s roditielami. Niemieckije vrači jejo vylečili. Ona vyrosła, vyšła zamuž, rodiła dvuch synoviej i umierła v vozrastie 78 let. Hiena podał dokumienty na kompiensaciju — i niemcy jemu vypłatili 4.5 tysiači jevro, kak synu žiertvy Ośviencima. Oni v Ośviencimie za dva hoda zadavili hazom i sožhli čietyrie s połovinoj milliona čiełoviek. I jesť osobi, kotoryje v etom śviato ubieždieny. Tierapija zdieś biespolezna».
Alexander Usovski 24 nojabria 2013: Osobienno umilajet mienia bajka o Cikłonie B. Naši v Ośviencimie v janvarie sorok piatoho našli ciełyje zaleži pustych banok. I vsiakije erienhburhi v hołos zavierieŝali - travili niemcy jevriejev etim cikłonom B!
Jahony siabar jamu adkazvaje:
Viacheslav Kounitski 24 nojabria 2013: Bł*d́, za*bali užie suki s etoj chucpoj! Nu i kak tut antisiemitom nie stať?
Zrešty, hetyja ludzi staviacca jak da «niedačałaviekaŭ» nie tolki da jaŭrejaŭ. Voś što jany pišuć pra ŭkraincaŭ zadoŭha da Majdanu:
Alexander Usovski 5 nojabria 2013: Chochły s trieskom obosraliś — a čto ždať ot hienietičieskich chołopov?
Heta toje, što treba viedać pra sapraŭdnyja idei hetych ludziej, jakaja na publiku raśpinajucca pra «niedapuščalnaść pierahladu vynikaŭ Druhoj suśvietnaj vajny», «ukrainskich fašystaŭ», «biełaruskich banderaŭcaŭ» i h.d.
Dla prasoŭvańnia svaich idej Špakoŭski i Usoŭski marać stvaryć «fond». Suma im treba «nie dziciačaja».
Usoŭski narakaje, što treba šukać «sapraŭdnych ruskich», jakija mohuć dać šmat hrošaj, zamiest taho, kab «i dalej klančyć kapiejki ŭ Čyža».
Špakoŭski pieryjadyčna pryjazdžaje ŭ Viciebsk «pa narkotykach», a razam z tym sustrakajecca z Usoŭskim, abmiarkoŭvajučy płany stvareńnia fondu.
Spadziajučysia na cikavaść da temy vyšejšych kołaŭ krainy, siabry kładuć svoj płan na stoł da Viktara Šejmana, ale toj hruba adkazvaje im, što «nie z vašym śvinym ryłam leźci ŭ kałašny rad».
Alaksandr Špakoŭski 27 marta 2013: «našim śvinym ryłom da v kałašnyj riad». Śvinoje ryło u koho? U nas ili u Rodiny?
«Ničoha strašnaha, budziem adpracoŭvać pieršapačatkovy varyjant», — supakojvaje Usoŭskaha Špakoŭski.
Usoŭski pytaje, ci moža Špakoŭski vyjści na aliharcha Viktara Miedźviedčuka — kuma Uładzimira Pucina, a taksama kiraŭnika Administracyi prezidenta Ukrainy za časami Leanida Kučmy.
Toj adkazvaje, što moža, ale najpierš treba davieści da kanca spravu z Čyžom.
«Tysiaču-druhuju jon by mnie daŭ, a bolš — naŭrad ci», — absiakaje kalehu Usoŭski.
Adnačasova z hetym jon pačynaje piedaliravać temu knihi pra Sieviaryna Nalivajku (lidara kazackaha paŭstańnia XVI stahodździa), jakaja budzie raźličana na ŭkrainskuju publiku i ŭ jakoj budzie pravodzicca ideja, što Zachad nikoli nie dapamahaŭ Ukrainie, tamu jaje adzinaja nadzieja — na Maskvu.
«Pakul hrošaj brakuje, niama čaho rypacca», — piša Usoŭski.
«Kaniečnie, hrošy treba. Pry kancy krasavika budu ŭ Maskvie, budu šukać», — abnadziejvaje Špakoŭski.
«Karaciej, Viktar moj ź Miedźviedčukom bolš nie pracuje. Nie syšlisia pa vynikach prajekta pa apłacie sacyjałahičnych pasłuh z adnym z bosaŭ ruchu «Ukrainski vybar», tamu raić kahości nie zmoža. Siońnia dašle kaardynaty davieranaj asoby Miedźviedčuka, jakaja tam prymaje rašeńni. Niejki były staršynia KS Ukrainy. Kaža, kab kantaktavała naŭprost, bo ŭsio, što źviazana ź Biełaruśsiu, vielmi cikava.
Tut i histaryčny prykład Nalivajki z-pad piara biełaruskaha historyka z nastupnymi prezientacyjami ŭ Kijevie i Minsku pojdzie! Babła tam, darečy, jak hrazi», — užo ŭ krasaviku 2013 hoda piša Špakoŭski i praciahvaje, što treba cisnuć na Miedźviedčuka, bo jahony fond — heta soft-power Rasii va Ukrainie.
[Soft-power — miakkaja siła. — NN.]
«Čamu my nie soft-power Rasii tut [u Biełarusi]?!», — aburajecca Usoŭski.
«Soft-power Rasii tut — heta Barančyk i «Rumoł», — adkazvaje Špakoŭski i dadaje, što Miedźviadčuk atrymlivaje hrošy pad prajekt dałučeńnia Ukrainy da Mytnaha cajuza, tamu ichnija kancepcyi taksama mohuć atrymać finansavańnie.
Čytajcie taksama:
Ad nieanacyzmu i zmahańnia z «juda-chryścijanskaj akupacyjaj» da studyi Davydźki: śpiecmateryjał pra kiraŭnika «Rumoła» Siarhieja Łušča
Hłaźjeŭ maŭčyć, Fond Harčakova vysłuchoŭvaje
Siabry chočuć paprasić hrošaj u pamočnika prezidenta Rasii Siarhieja Hłaźjeva, a taksama pišuć «cydulku» Miedźviedčuku.
«Pamočnikam pa Biełarusi ŭ ciabie pojdzie Čuryłaŭ Jahor Alaksandravič», — piša Špakoŭski. Čuryłaŭ — siabar Špakoŭskaha pa supołcy «Cytadel».
Ale na listy ŭ Maskvu siabram nichto nie adkazvaje.
«Nie razumieju, čamu jany nie adkazvajuć», — aburajecca Špakoŭski.
«Kali abstrahavacca ad akaličnaściaŭ, to hety fond i jaho instrumienty dla pracy ŭ infarmacyjnym poli — heta struktura dla łabijavańnia LUBYCH intaresaŭ! Dziaržaŭnych, pryvatnych, karparatyŭnych, hramadskich — LUBYCH! I kali my stvorym takuju strukturu, to zmožam prosta tupa zarablać na joj babło», — nie spyniajecca Usoŭski.
Špakoŭski praź niejki čas paviedamlaje Usoŭskamu, što paznajomiŭsia ź mieniedžarami Fondu Harčakova (struktura, jakuju finansuje rasijskaje MZS).
«Čakaju ciabie ŭ Minsku, kab abmierkavać hetuju spravu», — padbadziorvaje jon svajho siabra.
«Uvohule, šancy na hrošy ad hetych čarciej jość?», — pytajecca toj. Špakoŭski adkazvaje, što tak.
Pierad sustrečaj ź mieniedžarami Fondu Harčakova, siabry ŭdaskanalvajuć svoj «płan zachopu Uschodniaj Jeŭropy» i ŭ spadziavańni na hrošy adpraŭlajuć jaho jašče i Paŭłu Zaryfulinu — lidaru Mižnarodnaha Jeŭrazijskaha ruchu.
Miedźviadčuk Špakoŭskamu i Usoŭskamu ŭ hrošach admaŭlaje. Tyja pačynajuć chadzić na pryjomy ŭ słavackaje pasolstva na razmovy z pasłom Maryjanam Siervatkam i paralelna znoŭ sprabujuć vyklančyć hrošaj u biełaruskich uładaŭ, ale marna.
U pracesie abmierkavańnia na adras Alaksandra Łukašenki hučyć šmat niepryjemnych epitetaŭ.
Pryvodzim tut aryhinał pierapiski:
Alaksandr Špakoŭski: «Hosudarstvu nie nužien tvoj projekt, on nie otviečajet siehodniašniej ustanovkie Łukašienko. A ustanovka była prostaja: «nie zanimaťsia politikoj, a prodavať traktora tam, hdie jesť našie dipłomatičieskoje prisutstvije». Imienno etim mieriłom budiet opriedielaťsia kačiestvo raboty. V etom mirie podobnyj projekt moh by byť intieriesien KNR ili SŠA, no ni s tiemi nie s druhimi obŝich intieriesov niet u TIEBIA. Postmodiern, ničieho nie popišieš».
Alexander Usovski: «Durak tvoj Łukašienko. Traktory budut prodavaťsia tam, hdie u Biełarusi budiet chorošieje rienomie. A chorošieje rienomie sozdajeťsia hramotnym piarom i chorošo postavlennoj riekłamoj. A etot łysyj durak s každym dniem stanoviťsia vsie tupieje i tupieje. Mnie inohda bolno na nieho smotrieť….».
Alaksandr Špakoŭski: «Ja nie hovoriu, čto ty nie prav, a tiem boleje dalek ot myśli, čto prav Łukašienko. Činovnik eto liš provodnik hosudarstviennoj politiki. Eto jeho rol, inoj roli u činovnika byť i nie dołžno. Hosudarstviennuju politiku u nas opriedielajet Priezidient, a razrabatyvajet AP na osnovie jeho poručienij. Ja tiebie objaśniaju politiku partii, čtoby ty riealno smotrieł na vieŝi. Priedłahať činovniku čto libo vychodiaŝieje za priedieły jeho mandata — dieło absolutno niebłahodarnoje i biespoleznoje».
Alexander Usovski: «Ja smotriu na vieŝi boleje čiem riealno. Prosto mnie bolno ot toho, čto stranu vozhłavlajet striemitielno vpadajuŝij v marazm starik».
Alaksandr Špakoŭski: «Potomu i otvietov na svoi priedłožienija ty nie połučił».
Alexander Usovski: «A eto hovorit o tom, čto našim činovnikam dažie elemientarnaja viežlivosť nieviedoma. Bydło škłovskoje, bł*d́…»
Uražvaje, što paśla takich vykazvańniaŭ Špakoŭski nie spyniaje dziełavoj kamunikacyi z Usoŭskim.
100 tysiač jeŭra na prarasijskija akcyi
Ale nastojlivaść siabroŭ ź Biełarusi ŭ Maskvie zaŭvažajuć i niejkija hrošy dajuć — praŭda, nie ź dziaržaŭnych fondaŭ — vidać, Špakoŭskamu i Usoŭskamu nie da kanca daviarajuć, a nibyta ad pryvatnaj asoby, zhadanaha Małafiejeva.
Usoŭski atrymlivaje na sto tysiač jeŭra. Za hetyja hrošy jon padkuplaje roznyja marhinalnyja koły ŭ Polščy i krainach Vyšahradskaj hrupy.
U Polščy adbyvajecca antyŭkrainskaja akcyja — «nacyjanalisty» vyrašajuć uspomnić staryja kryŭdy i psujuć ukrainski pomnik u Hrušovicach.
Usoŭski prosić raśpijaryć videa — kolkaść prahladaŭ na im zamałaja, kab spravazdačycca pierad rasijskimi sponsarami.
Špakoŭski krytykuje rolik i raić pierasłać jaho Michaiłu Małašu — jašče adnamu čałavieku z koła Vadzima Hihina i, u nastupnym, aŭtaru biełaruskaha «Imchakłaba».
«Jamu ŭsio roŭna rabić nie*uj, chaj papracuje za Ruś. Ja b [paśla] skinuŭ Andruchu Kavalenku, jaki ludziej na Danbas adpraŭlaje. I jašče paračcy ludziej z Administracyi prezidenta i MZS [AP i MZS RF — aŭt]. A to navat im pakazvać stromna», — pieradaje Špakoŭski zadańnie Małašu, kab jon adredahavaŭ rolik.
Usoŭski tłumačyć jamu, što hałoŭnaje nie mastackija vartaści videa, a kolkaść prahladaŭ pad im — maŭlaŭ, tolki heta cikavić sponsaraŭ.
«Jasna, prapijaru», — piša Špakoŭski i zakidvaje ŭ svoj fejsbuk.
Usoŭski ŭražvajecca moŭnym abarotam siabra i raić tamu zvalniacca z MUS i być piśmieńnikam.
Pry hetym spravy ŭ hetych siabroŭ iduć u haru — «ty pracuješ z dysidentami nastolki dobra, nakolki heta možna rabić», — syple kamplimienty Usoŭskamu Špakoŭski. Toj pryznajecca, što choča stvaryć na hetyja hrošy realnuju palityčnuju siłu ŭ Polščy, jakaja budzie aryjentavacca na Rasiju.
Nahoda jość — majučyja adbycca vybary ŭ Siejm.
Pry kancy 2014 hoda sto tysiač jeŭra skančajucca (Usoŭski paśpieŭ kupić ź ich sabie mašynu). Bolš Małafiejeŭ nie daje.
Alexander Usovski: «Sania, my tut s moskovskimi kollehami riešili zamutiť niekommierčieskuju orhanizaciju dla rasširienija vlijanija Rośsii v Vostočnoj Jevropie. I chotim pustiť šapku po kruhu — upiraja na to, čto u nas jesť opyt, jesť ludi i jesť płany. Kak ty dumaješ, srabotajet?».
Alaksandr Špakoŭski: «Smotria kakoj kruh».
Alexander Usovski: «Po moskovskim tołstosumam».
Alaksandr Špakoŭski: «Možno poprobovať. Ty v Moskvie tiepieŕ?».
Alexander Usovski: «Niet, užie v Vitiebskie».
Alaksandr Špakoŭski: «Žal, ja zavtra v Moskvie. Pieriesiekliś by».
Špakoŭskamu stavicca zadača šukać inšyja kanały finansavańnia — znoŭ u biełaruskich uładaŭ.
Jany hrebliva nazyvajucca «biełarusikami», jakija «jak zaŭždy — ni ryba ni miasa».
Pry hetym źviartajuć uvahu zvyčajnyja pierapiski, jakimi abmieńvajucca siabry pa-za abmierkavańniem, adkul by ŭziać hrošy.
Alexander Usovski: «Sania, priviet! Šo za ch*jnia proischodit s lapisami? Ja prosto v ach*ie ot količiestva matieriałov ob ich konciertie v Vilnie — čto na tutbaje, čto na kpbaj. Ty čto-niť ponimaješ?».
Alaksandr Špakoŭski: «Nie-a. Ja prosto ponimaju. čto zisier-vołk v oviečiej škurie. kotoryj očień łožno vosprinimajetsia našimi kołchoźnikami kak «łojalnyj».
Alexander Usovski: «Nie vołk, a šakał. Oni ili končienyje łochi, ili hotoviatsia k dieležu łukašienkinoho naśledstva, kohda s pomoŝju ziśsierov łuka laśnieťsia».
Alaksandr Špakoŭski: «Ili hotoviatsia k dieležu łukašienkinoho naśledstva — eto bolšie pochožie na pravdu. Sašu soznatielno podvodiat k zavieršieniju».
Dajcie dzieniech!
Spakušanyja lohkimi hrašyma z Maskvy ŭ 2014-m, pieryjadu ejfaryi «Ruskaj viasny», Usoŭski prapanuje stvarać novyja arhanizacyi dla pašyreńnia ŭpłyvu Rasii ŭ Jeŭropie, paśla choča sabrać sotniu błohieraŭ z vyšahradskich krain i pryvieźci ich na ekskursiju ŭ Biełaruś padčas vybaraŭ. Hrošy prosiać u biełaruskaha MZS — častku ich siabry spadziajucca pakłaści sabie ŭ kišeniu, Špakoŭski dabivajecca sustrečy z Uładzimiram Makiejem…
U biełaruskim MZS hrošaj im nie dajuć. Usoŭski reahuje vostra.
Aleksandr Usovskij: «Uvierien, čto načalnik otdieła vniešniepolitičieskoho analiza MID, kak i vieś naš MID — u*ban i pridurok. Ili prosto mraź. Ludiej tam točno niet».
Alaksandr Špakoŭski: «Načalnik Upravlenija MID — obyčnyj činovnik, słužaka, očień hramotnyj čiełoviek. No on nie vyjdiet za priedieły instrukcij».
Paralelna, u śniežni 2014 hoda, Usoŭski piša Špakoŭskamu, što znachodzicca ŭ Maskvie i ŭžo «papiarednie abmierkavaŭ biełaruski prajekt».
Siabry pačynajuć šukać hrošy pad jaho ŭ Rasijskim instytucie stratehičnych daśledavańniaŭ (RISI), dzie kiruje Leanid Rašetnikaŭ — čałaviek, jaki ŭpeŭnieny, što biełaruskuju movu prydumali ŭ Savieckim Sajuzie.
Špakoŭski navat ukazvaje kankretnych asob, jakija vyrašajuć tam finansavyja pytańni.
Alexander Usovski: «Tolko čto hovorił s Huzienkovoj [namieśnica Rašetnikava — NN] — RISI ničiem nie možiet pomoč. Sobstviennych dienieh u nich niet, a iskať sponsorov Riešietnikov nie chočiet».
Alaksandr Špakoŭski: «P*zdiež».
Alexander Usovski: «Ja hovorił s Huzienkovoj — nie proizvodit ona vpiečatlenije sieŕjeznoj tiotki, tak, p*zdobolša kakaja-to…».
Alaksandr Špakoŭski: «Ty jeŝie komu to davał svoi umozaklučienija po Polšie?»
Alexander Usovski: «Da, davał, jeŝie v oktiabrie, ludiam Šiejmana»
Alaksandr Špakoŭski: «1) Ludi Šiejmana kakuju orhanizaciju priedstavlajut? 2) Ty davał etim ludiam poślednich dva dokumienta?».
Alexander Usovski: «1. Upravlenije diełami priezidienta 2. Niet».
Alaksandr Špakoŭski: «Chorošo. potomu kak načalnik otdieła vniešniepolitičieskoho analiza MID utvierždajet, čto im užie iźviestny tvoi myśli. Čto Huzienkova?»
Alexander Usovski: «Ničieho, spryhnuła».
Alaksandr Špakoŭski: «Ja počitał očień vnimatielno: otkrovienno hovoria biełorusam eto nie usr*łoś, ischodia iz siehodniašniej političieskoj łohiki. A o zavtra v Biełarusi nie dumajut. No počiemu soskočili russkije? Tiema otličnaja. RISI finansirovał v Ukrainie takuju chu*niu, čto słožno siebie priedstaviť».
Aproč taho, jany prosiać hrošaj u Siamiona Urałava — kiraŭnika prajekta «Vieści. Jeŭrazija».
Usoŭski aceńvaje svaje zdolnaści palittechnołaha vielmi vysoka — piša, što lepšym za jaho byŭ tolki Edmund Viejenzienmajier — niamiecki palityk časoŭ Treciaha Rejcha.
Ale z druhoj sproby admaŭlaje jamu i Rašetnikaŭ — u adkaz Špakoŭski piša, što ŭžo navat i nie viedaje, dzie šukać hrošy.
Abiacaje źvieści ź ludźmi z Administracyi prezidenta Rasii, ale ničoha nie atrymlivajecca.
Tut zatrymlivajuć Čyža. «Dobry byŭ mužyk, knižki maje spansiravaŭ», — z žalem piša Usoŭski.
Bolš finansavyja momanty Usoŭski i Špakoŭski ŭ pierapiscy nie abmiarkoŭvajuć, ale hrošaj strašna brakuje.
Na toj čas u Biełarusi ŭžo pačynaje pracu sajt «Imchakłab», kiraŭnictva jakim pierachoplivaje Alaksiej Dziermant.
Usoŭski admaŭlajecca ad svaich idej pa prarasijskaj revalucyi ŭ Jeŭropie, a razam z hetym i ad bujnych finansavych pretenzij. Zamiest hetaha jon robicca šarahovym aŭtaram «Imchakłaba» i praz svaju nieabačlivać pravalvaje sistemu finansavańnia «imchakłaba» ŭ Biełarusi.
Pra heta budzie druhaja častka našaha materyjału.
