Polšča moža adpravić niekalki svaich samych sučasnych źniščalnikaŭ dla zmahańnia suprać isłamistaŭ u Siryi, skazaŭ prezident krainy Andžej Duda.
Čakajecca, što jany buduć vykonvać raźviedvalna-patrulnyja misii, paviedamili polskija ŚMI.
Polski F-16 z raźviedvalnym kompleksam DB-110. Fota f-16.net
Heta budzie pieršaje bajavoje vykarystańnie polskich źniščalnikaŭ amierykanskaj vytvorčaści ŭ bajavych umovach, piša wyborcza.pl.
Razam z samalotami, jakija buduć mieć raźviedvalnyja kompleksy DB-110, u «pachod na Uschod» mohuć adpravicca kala 100 adzinak lotnaha i techničnaha piersanału.
Kompleksy Goodrich DB110 zdolnyja zaŭvažać i analizavać celi ŭ radyusie da 100 km, a taksama ŭ realnym časie pieradavać infarmacyju inšym karystalnikam.
U niebie Siryi dziejničajuć užo samaloty mnohich krain NATA, a taksama arabskich krain i Rasii.
