Interaktyŭnyja terminały dla zvarotnaj suviazi z pasažyrami ŭstanavili na stancyjach mietro «Płošča Lenina» i «Kastryčnickaja», paviedamiŭ pres-sakratar Minskaha mietrapalitena Andrej Kuźmin.
«Interaktyŭnyja terminały dapamohuć vyvučyć hramadskuju dumku ab rabocie, jakaści pradastaŭlajemych pasłuh mietro. Pakul jany ŭstanoŭleny ŭ viestybiulach dźviuch stancyj, kala kas», — skazaŭ Andrej Kuźmin.
Acanić jakaść pradastaŭlajemych pasłuh možna, adkazaŭšy na niekalki pytańniaŭ. Tak, pasažyry zmohuć dać acenku sanitarnamu stanu stancyj, rabocie kas i kasiraŭ. Taksama ŭ hramadzian pacikaviacca, ci majuć jany ciažkaści ŭ adrasnym aryjentavańni ŭ mietro, ci viedajuć, što zrabić pry vyjaŭleńni padazronych abo biezhaspadarnych pradmietaŭ, ci słuchajuć abjavy pa hučnaj suviazi, jak časta karystajucca pasłuhami padziemki.
Terminały buduć pracavać na stancyjach mietro «Płošča Lenina» i «Kastryčnickaja» na praciahu miesiaca. «Da mierkavańnia haradžan i haściej horada, jakija paŭdzielničajuć u apytańni, abaviazkova prysłuchajucca», — padkreśliŭ Andrej Kuźmin. Kali terminały pakažuć svaju efiektyŭnaść, takija ŭstrojstvy mohuć źjavicca i na inšych stancyjach.
