Sistema elektronnaj čarhi źjavicca ŭ 2016 hodzie ŭ 40 staličnych ustanovach achovy zdaroŭja, paviedamiŭ žurnalistam staršynia kamiteta pa achovie zdaroŭja Minharvykankama Ihar Jurkievič.
«Va ŭstanovach achovy zdaroŭja horada ŭstanoŭlena kala 50 kamplektaŭ sistemy elektronnaj čarhi. U biahučym hodzie płanujem zakupić prykładna jašče 150. Sistema źjavicca ŭ 40 ustanovach», — skazaŭ Ihar Jurkievič.
Pryjom naviedvalnikaŭ z dapamohaj elektronnaj čarhi viadziecca ŭ rehistraturach, pracedurnych kabinietach, traŭmapunktach. Jak pakazvaje praktyka, sistema dyscyplinuje i miedycynskich rabotnikaŭ, i pacyjentaŭ. Siońnia ŭ Minsku razhladajecca mahčymaść zapisu ŭ elektronnuju čarhu z doma.
Čatyry staličnyja palikliniki ŭžo realizujuć elektronnyja recepty, u pieršym paŭhodździ 2016-ha hoda da ich dałučacca jašče 7. Bazavuju sistemu padrychtoŭki dla stvareńnia ambułatornaj elektronnaj kartki, pavodle słoŭ Ihara Jurkieviča, zavieršać u horadzie da kanca biahučaha hoda.
«Taksama sioleta ŭ Minsku płanujecca ŭvieści ŭ ekspłuatacyju try palikliniki — dziciačuju i darosłuju ŭ mikrarajonie Kamiennaja Horka, dziciačuju ŭ Brylevičach», — dadaŭ Ihar Jurkievič.
